Bioqrafiya

Mehralıyeva Sevil Cəbrayıl qızı 1989-cu ildə N.Nərimanov adına Azərbaycan Tibb İnstitutunun  əczaçılıq fakültəsini  fərqlənmə diplomu ilə bitirmişdir. Təhsil aldığı illərdə “Elmi Şura” adına təqaüdə layiq görülmüşdür. O, hələ tələbəlik illərindən elmə böyük maraq göstərmiş, TEC-in konfranslarında aktiv iştirak etmişdir. Elmə olan həvəsi Sevil Mehraliyevanı gənc mütəxəssis kimi ATİ-nin  Elmi Şuranın qərarı ilə “Farmakoqnoziya” kafedrasına baş laborant vəzifəsinə təyin olunmasına zərurət yaratmışdır (1989-1997).  O, 1997- 2000-ci illər ərzində  “Əczaçılığın təşkili və iqtisadiyyatı” kafedrasında stajor-müəllim, 2000-ci ildə müsabiqə yolu ilə assistent, 2006-2012-ci illərdə Azərbaycan Tibb Universitetinin “Əczaçılıq texnologiyası və təşkili” kafedrasına  baş müəllim vəzifəsinə seçilmişdir. S.C.Mehralıyeva 2010-cu ildə  “Bəzi çoxkomponentli bitki yığıntıları əsasında dərman formalarının alınma texnologiyasının işlənib hazırlanması və onların bioəczaçılıq xüsusiyyətlərinin öyrənilməsi” mövzusunda namizədlik  dissertasiyası müdafiə etmişdir. Müsabiqə yolu ilə  “Əczaçılıq texnologiyası və idarəçiliyi” kafedrasına 2012-ci ildə   dosent vəzifəsinə seçilən S.C.Mehralıyeva hal hazıradək bu vəzifədə çalışır.

Tibb Universitetində işlədiyi müddət ərzində Mehralıyeva S.C. özünü təşəbbüskar, intizamlı, yüksək ixtisaslı mütəxəssis kimi göstərib, O, 140 elmi məqalənin, 3 dərsliyin,  1 dərs vəsaitinin, 8 tədris-metodik vəsaitin və 10 patentin (6 Azərbaycan, 4 Avrasiya), 5 FM-in  müəllifidir.

Mehralıyeva S.C. 2008-2016-cı illər ərzində Əczaçılıq fakültəsində magistratura üzrə şöbənin kuratoru vəzifəsində çalışmış, magistrların  təlim-tərbiyə işlərinin təşkilində yaxından  iştirak etmişdir.

2017-ci ildə kafedranın tədris işləri üzrə müdir müavini  vəzifəsinə seçilmiş və hal-hazırda da həmin vəzifədə çalışır. Keçən müddət ərzində S.C.Mehralıyevanın  təşəbbüsü ilə  elmi laboratoriya yaradılmış, müvafiq cihaz və avadanlıqlar alınmış,  həmmüəllifliyi ilə dərs prosesinin mükəmməl keçirilməsi üçün  tədris-metodik işlər  hazırlanmış, “əczaçılıq texnologiyası” üzrə magistraturaya qəbul olan tələbələr üçün yeni proqramlar işləyib hazırlamışdır.2017-2025-ci illərdə Əczaçılıq və Kimya üzrə Problem Komissiyasının üzvü, 

2017- 2025-ci illər  magistratura üzrə  “Əczaçılıq texnologiyası” ixtisasında ixtisaslaşdırılmış   müdafiə şurasının, 2022-2025-ci illər Əczaçılıq fakültəsi Elmi Şurasının üzvüdür.

Dosent S.Mehralıyeva 2025-ci ildə Azəbaycan Tibb Universitetində yaradılan Tədris Metodik Şuranın üzvü seçilmişdir.

2019-2025-ci ildə “Elmi laboratoriya” nın istiqamətinə uyğun olaraq müvafiq makro-,  mikro- və  nano ölçülü zərrəcikləri alıb onlardan   müxtəlif dərman formalarının hazırlanması üçün istifadə etmək məqsədi ilə  cihaz və avadanlıqla  təmin olunmasında aktiv iştirak etmişdir.

O, 2020-ci ildə doktoranturaya qəbul olmuş və  “Təbii mənşəli xammallar əsasında nano dərman formalarının alınma texnologiyasının işlənib hazırlanması” mövzusunda doktorluq dissertasiya işi üzərində çalışır.

2024-cü ildə “International Journal of Pharmaceutical Sciences and Developmental Research” editor seçilib.

Sevil Mehralıyeva  kafedrada işlədiyi  vaxtdan  dərslərin müasir  tədris və texniki vəsaitlərlə təmin olunmasında yaxından köməklik göstərir.

Mehralıyeva S.C. müasir səviyyədə dərs prosesini aparmaq üçün daima müxtəlif təlim və treninglərdə iştirak edir, dünya təcrübəsində baş verən yeniliklərlə maraqlanır, bilik və bacarığını artırır, fərqli formatda mühazirələr oxuyur, təcrübi məşğələlər aparır.

Dosent Sevil Mehralıyeva Azərbaycan Tibb Universitetinin  əməkdaşları, tələbə, magistrant, doktorant və dissertantları  arasında  dərin hörmət qazanmışdır.

Akademik fəaliyyət

1989-1997-   ATİ-nin farmakoqnoziya və botanika kafedrasında baş laborant;

1997-2000- ATİ-nin Əczaçılığın təşkili və iqtisadiyyatı kafedrasında  stajor-müəllim;

2000-2006- ATU-nun Əczaçılığın  texnologiyası, təşkili  və iqtisadiyyatı  kafedrasında assistent;

2005-2009-ATU-nun Əczaçılıq fakültəsində magistratura üzrə kurator;

2006-2012- ATU-nun Əczaçılıq texnologiyası və idarəçiliyi kafedrasında baş müəllim;

2012-2025-ATU-nun   Əczaçılıq texnologiyası və idarəçiliyi kafedrasında dosent;

2017-2025- ATU-nun Əczaçılıq texnologiyası və idarəçiliyi kafedrasında tədris işləri üzrə kafedra müdirinin müavini vəzifəsində çalışır.

Təhsil

2010 - Əczaçılıq üzrə fəlsəfə doktoru  Azərbaycan Tibb Universiteti, Bakı

1984-1989  Ali təhsil-  Azərbaycan Tibb İnstitutu, Bakı, Azərbaycan

1983   Orta məktəb attestatı  Cəbrayıl, Azərbaycan

Peşə və pedaqoji inkişaf

KURSLAR:

Sevil Mehralıyeva Azərbaycan Müəllimlər İstitutunda “Təhsilin əsasları” fənni bazasında hazırlanmış müasir pedaqogika və psixologiya ilə bağlı təlim kursu keçmişdir (2014-cü il).

GCP (Good Clinical Practice) üzrə təlim keçmiş və sertifikatla təltif edilmişdir (16-17 may 2021);

Türkiyə Respublikasında Atatürk Universitetinin Əczaçılıq texnologiyası kafedrasında, həmçinin DAYTAM-da elmi işlə əlaqədar  təlim  keçmişdir (28.01-09.02.2022-ci il );

Ümumdünya Səhiyyə Təşkilatının Azərbaycan Nümayəndəliyinin  dəstəyi ilə həyata keçirilən “Təməl Tədrisçi İnkişafı Proqramı” üzrə 60 saatlıq təlimdə iştirak edib sertifikatla təltif olunmuşdur (30.06-04.07. 2022-ci il);

”Azərbaycanda pandemiyaya cavab tədbirləri” layihəsi çərçivəsində “Çoxseçimli testlərin hazırlanması, tətbiqi və analizi” təlim, ATU, Tibb və sağlamlıq elmləri təhsili kafedrası, Bakı, 2023;

 ABŞ Dövlət Departamentinin İngilis Dili Proqramları xətti ilə Azərbaycan Tibb Universitetində təşkil olunmuş “Effektiv kurikulum/sillabus tərtibatı” adlı seminarda aktiv iştirak etmiş  və sertifikata layiq görülmüşdür (09.03-30.05.2023).

NorthWest University  tərəfindən təşkil olunmuş “Orqanik və doğal cilt bakım kosmetikləri” təlim proqramı. Sertifikat № NW2311076 (120 saat,  10.11.2023);

NorthWest University  tərəfindən təşkil olunmuş “Sabun və şampuan yapımı və formülasyon” təlim proqramı. Sertifikat № NW 2308810 (120 saat,  22.08.2023).

KONFRANSLAR:

1.Sevil Mehralıyeva gənc alimlərin V Beynəlxalq konqresində iştirak edib, sertifikata layiq görülüb (1-2 Noyabr, 2018, Bakı Azərbaycan);

2.Azərbaycan Respublikası Səhiyyə Nazirliyinin “Davamlı Tibbi Təhsil üzrə Elm və Tədris Tədbirlərinin Akkreditasiya Qaydaları” əsasında akkreditasiya olunmuş “Əməkdar Elm xadimi, AMEA-nın  müxbir üzvü, professor Dəmir Vahid oğlu Hacıyevin  90 illik  yübleyinə həsr olunmuş  Elmi-Praktik” konfransda iştirak edib sertifikatla təltif olunmuşdur (29.01.2019);

3.Azərbaycan Tibb Universitetinin 90 illik yubleyinə həsr olunmuş “Təbabətin aktual problemləri” Elmi-Praktiki konqresdə müvəffəqiyyətlə iştirakına görə sertifikatla (15 DTT) təltif olunub (Bakı, Azərbaycan 19-20 dekabr 2020);

4.Azərbaycan Respublikası Səhiyyə Nazirliyinin “Davamlı Tibbi Təhsil üzrə Elm və Tədris Tədbirlərinin Akkreditasiya Qaydaları” əsasında akkreditasiya olunmuş Azərbaycan Tibb Universitetinin yaradılmasının 90,  Azərbaycanda Ali Əczaçılıq təhsilinin 80 illik yübleyinə həsr edilmiş  “Əczaçılığın Müasir Problemləri”

mövzusunda V Beynəlxalq Elmi Konqresdə məruzə etmiş, 17 DTT balı qazanmış və sertifikatla  təltif olunmuşdur (23-24 aprel  2021-ci il);

5.Səhiyyə Nazirliyinin “Davamlı Tibbi Təhsil üzrə Elm və Tədris Tədbirlərinin Akkreditasiya Qaydaları” əsasında akkreditasiya olunmuş Professor Tamerlan Əliyevin  anadan olmasının 100 illiyinə hərs olunan “Təbabətin Aktual Problemləri” Beynəlxalq Konqresdə  iştirak edərək  sertifikata (20 DTT ) layiq görülmüşdür (6-8 oktyabr  2021-ci il);

6.Nəşr olunmuş məqaləyə (Application of Advanced Nanomaterials for Kidney Failure Treatment and Regeneration) görə MDPİ Academic OPen Access Publishing sertifikatla təltif etmişdir (Materials 2021, Volume 14, İssue 11, 2939. Basel, June 2021);

7.Səhiyyə Nazirliyinin “Davamlı Tibbi Təhsil üzrə Elm və

Tədris Tədbirlərinin Akkreditasiya Qaydaları” əsasında akkreditasiya olunmuş Şuşanın 270 illiyinə hərs olunmuş “Təbabətin Aktual Problemləri” Beynəlxalq Elmi Praktiki Konfransında iştirak edərək  sertifikata (7 DTT ) layiq görülmüşdür (24 may 2022-ci il); 

8. Sertificate in oral and technical presentation, recognition and appreciation of research contributions to 3RD KARABAKH INTERNATIONAL CONGRESS OF APPLIED SCIENCES "YEAR OF SHUSHA 2022" held on June 7-10, 2022 / Karabagh, Azerbaijan, with the paper entitled NANOTECHNOLOGIES IN THE FIELD OF DEVELOPMENT

OF MEDICINES ON THE BASIS OF NATURAL RAW MATERIALS;

9.Beynəlxalq Elm və Təcrübə konfransında iştirakına və elmi məqaləsinə görə sertifikatla təltif edilmişdir (Hanburg, Germany, 26-28 dekabr, 2022);

10.V Beynəlxalq Elm və Təcrübə Confransında iştirak edib, sertifikata layiq görülüb (19-20 aprel 2022, Orleans, Fransa);

11. II Beynəlxalq Elmi-Praktik Confransda nəşr olunmuş məqaləyə görə (Purchase of “Glexroscasil” phytogranules and study  of quality indicators) sertifikatla təltif edilib (18 saat, 19-20 yanvar, 2022 Seatl,ABŞ);

12. Ümummilli Lider Heydər Əliyevin 100 illik yubleyinə həsr olunmuş Azərbaycan Tibb Universitetinin  “Təbabətin Aktual Problemləri” Beynəlxalq Elmi Praktiki Konfransda çıxış etmiş və sertifikatla təltif edilmişdir (Bakı, 2-3 may 2023);

13. Baku Dermanın təşkilatçılığı ilə Beynəlxalq dermatologiya və kosmetologiya konqresində sertifikatla (8 cme credit) təltif olunub (Bakı, 27-28 aprel 2024);

14.Scientific Collection «InterConf», (107): with the Proceedings of the 12th International Scientific and Practical Conference «Science and Practice: Implementation to Modern Society» at Manchester, Great Britain. Sertificate (May 6-8, 2022).

15. “Beynəlxalq Əczaçı günü” Respublika Əczaçılarının 5-ci Ümumrespublika  Konfransında aktiv iştirak etmiş və  “Əczaşılar Klubu” İctimai Birliyi tərəfindən sertifikata layiq görülmüşdür (10.10.2024). 16. Ümummilli lider Heydər Əliyevin 102 illiyinə  və Azərbaycan Tibb Universitetinin 95 illiyinə həsr olunmuş Tibb Festivalı, 6-8 may 2025, Bakı, Azərbaycan.

Elmi araşdırma sahəsi

“Təbii mənşəli  (heyvan-arı məhsulları, maral pantaları; bitki-kivi, zəncəfil, mayaotu, qaraqınıq, aloe vera və s.) əsasında mikro-, nanodərman və kosmetik vasitələrin hazırlanma texnologiyası”.

Novel Drug Delivery Systems. Əczaçılıq nanotexnologiyası. Nanokosmetologiya. Biofarmasiya. Əczaçılıq sənayesi.