• 03/04/2025 17:23

Türk Dövlətləri Təşkilatı Türk Universitetlər Birliyinin ORHUN mübadilə proqramına

2025-2026-cı tədris ili (payız və yaz semestrləri) üçün

QEYDİYYAT ELANI:

• Türkiyənin Ege Universiteti (İzmir şəhəri), Niğde Ömer Halisdemir Universiteti (Niğde şəhəri) və Atatürk Universitetində (Ərzurum şəhəri) akademik fəaliyyət göstərmək üçün müəllimlərin müraciətləri qəbul olunur (baş laborantlar istisna olmaqla).
• Dərslər 14 gün müddətində, həftədə ən azı 6 saat olmaq şərti ilə keçirilməlidir. Müraciət üçün müəllimlər “Müəllim haqqında məlumat forması” və “Akademik heyətin mobillik proqramı” formalarını doldurub qeydiyyatdan keçməlidirlər (formalar əlavə edilir). Formalar Türk və yaxud İngilis dillərindən birində, elektron qaydada doldurulmalıdır. Əlyazması qəbul edilmir!
• Bir müəllim yalnız bir semestr üçün və bir universitetə müraciət edə bilər. 14 günlük müddət müəllimin özü tərəfindən təyin olunur. Bu müddət tədris semestrləri daxilində olmalıdır.
• Dərslər Türk və yaxud İngilis dilində keçirilməlidir. Türk dilində keçiriləcək dərslərə üstünlük verilir.
• Müəllimin səfər və qonaqlama xərcləri proqram tərəfindən ödəniləcəkdir. Proqram müddətində müəllimin ATU-dakı orta əməkhaqqı saxlanılır.
• Doldurulmuş formalar çap olunmalı, kafedra müdiri tərəfindən müvafiq bölmədə imzalanmalı və 11.04.2025-ci il tarixinədək ATU-nun Beynəlxalq əlaqələr şöbəsinə şəxsən təqdim olunmalıdır. Düzgün doldurulmamış və göstərilən müddətdən gec təqdim olunmuş formalar qəbul edilməyəcəkdir!

Hörmətlə,

ATU-nun Beynəlxalq əlaqələr şöbəsi

Öğretim Üyesi Hareketlilik Programı

Öğretim Üyesi Bilgi Formu