Aşağıdakı sənədlər skan olunub şəxsi səhifənizə yüklənməlidir. ATU-ya qəbul olunmusunuzsa, onların əslini Azərbaycana gələndən sonra təqdim edəcəksiniz:
-  Xarici pasport (fotoşəkil olan səhifə). Pasportun etibralılıq müddəti müraciət tarixindən ən az 1 il olmalıdır.
-  Orta məktəb və ya lisey attestatı. Ölkənizdə səlahiyyəti olan qurum (Təhsil Nazirliyi) tərəfindən təsdiq edilməli və Azərbaycan dilinə rəsmi tərcümə edilməlidir. Olduğunuz yerdə azərbaycan dilinə tərcümə yoxdursa, onu ingilis və ya rus dillərinə rəsmi tərcümə edib elektron şəkildə səhifənizə yükləyin. 
- Dil sertifikatları (IELTS və ya TOEFL) – varsa
- Son 6 ayda çəkişmiş fotoşəkil
Nəzərinizə çatdırırıq ki, Azərbaycan Respublikası miqrasiya qanunvericiliyinə uyğun olaraq aşağıdakı infeksiyalar olan şəxslərə ölkədə müvəqqəti yaşama icazəsi verilmir: QİÇS, B hepatiti, C hepatiti, sifilis. Əmin olun ki, sizdə bu infeksiyalar yoxdur. Azərbaycan Respublikası Miqrasiya Xidmətinə müvəqqəti yaşama icazəsi üçün müraciət etməzdən öncə siz tibbi müayinədən keçəcəksiniz.
Xarici tələbələr üçün fakultələr
•    Müalicə (tibb)        təhsil dili: azərbaycan, ingilis və rus
•    Stomatologiya        təhsil dili: azərbaycan, ingilis və rus
•    Əczaçılıq            təhsil dili: azərbaycan, ingilis və rus
•    İctimai səhiyyə    təhsil dili: azərbaycan, rus
•    Fizioterapiya        təhsil dili: azərbaycan, ingilis
•    Tibb bacısı        təhsil dili: azərbaycan, rus