2025/2026-cı tədris ili üçün rezidenturaya qəbul olanların nəzərinə!

2025/2026-cı tədris ili üçün rezidenturaya (Azərbaycan Tibb Universitetinin Hərbi tibb fakültəsini bitirmiş namizədlər istisna olmaqla) qəbul olmuş şəxslər Azərbaycan Respublikası Səhiyyə Nazirliyi ilə mülki-hüquq müqaviləsi bağlamalı və qeydiyyatdan keçməlidirlər

Rezidenturaya qəbul olmuş şəxsin özü olmadıqda müqaviləni həmin şəxsin etibarnamə verdiyi digər şəxs imzalaya bilər.

Rezidenturaya qəbul olmuş şəxslərin göstərilən müddətdə qeydiyyatdan keçməməsi onların yerləşdirildiyi ixtisas üzrə təhsil almaqdan imtina etməsi kimi qiymətləndiriləcəkdir.

Rezidenturaya qəbul olmuş şəxslər (21.08.2025-28.08.2025) portal.edu.az platformasında qeydiyyatdan keçdikdən sonra 25.08.2025-29.08.2025-ci il tarixlərində siyahıda göstərilən sənədlərin əslini və surətini aşağıdakı cədvəldə qeyd olunan tarixdə və ünvanda şəxsən təqdim etməlidirlər:

  • Azərbaycan Respublikasının vətəndaşları – şəxsiyyət vəsiqələrini , əcnəbilər – pasportlarını və (və ya) icazə vəsiqələrini, vətəndaşlığı olmayan şəxslər – yaşadıqları ölkənin hüdudlarından kənara getmək üçün onlara verilən sənədləri və ya icazə vəsiqələrini;
  • əsas (baza ali) tibb təhsili haqqında sənədi: cari ilin məzunları – təhsil müəssisəsi tərəfindən verilən arayışı, əvvəlki illərin məzunları – diplomu;
  • xarici ölkələrdə ali təhsil almış şəxslər - Azərbaycan Respublikasının Təhsil Nazirliyi tərəfindən verilən ixtisasın tanınmasını və ekvivalentliyinin müəyyən edilməsini təsdiq edən sənədləri;
  • xarici ölkələrdə ali ixtisas tibb təhsili almış, diplomdan sonra ixtisaslaşma keçmiş Azərbaycan Respublikasının vətəndaşları olan həkimlər Azərbaycan Respublikası Səhiyyə Nazirliyi tərəfindən verilmiş “Tibb və əczaçılıq fəaliyyəti ilə məşğul olmağa buraxılması barədə Şəhadətnamə”ni.

 

№

Rezidentura hazırlığı aparan elm, təhsil müəssisələri və klinik bazalar

 

Tarix, vaxt və ünvan

Azərbaycan Tibb Universiteti

25 avqust

saat 10:00-dan-15:00-dək

(Ünvan: Azərbaycan Tibb Universitetinin 5-ci korpusunda İmtahan Mərkəzində (VTM)

K.Y.Fərəcova adına Elmi-Tədqiqat Pediatriya İnstitutu

26 avqust

saat 10:00-dan-15:00-dək (Ünvan: Azərbaycan Tibb Universitetinin 5-ci korpusunda İmtahan Mərkəzində (VTM)

Elmi-Tədqiqat Ağciyər Xəstəlikləri İnstitutu

Elmi-Tədqiqat Mamalıq və Ginekologiya İnstitutu

Elmi-Tədqiqat Travmatologiya və Ortopediya İnstitutu

Mərkəzi Klinika

M.A.Topçubaşov adına Elmi Cərrahiyyə Mərkəzi

Kliniki Tibbi Mərkəz

Mərkəzi Neftçilər Xəstəxanası

Akademik M. Cavadzadə adına Respublika Klinik Uroloji Xəstəxanası

Milli Onkologiya Mərkəzi

27 avqust

saat 10:00-dan-15:00-dək

(Ünvan: Azərbaycan Tibb Universitetinin 5-ci korpusunda İmtahan Mərkəzində (VTM)

Akademik Zərifə Əliyeva adına Milli Oftalmologiya Mərkəzi

Azərbaycan Respublikası Dövlət Gömrük Komitəsinin Tibbi Xidmət İdarəsinin Mərkəzi Hospitalı

Məhkəmə Tibbi Ekspertiza və Patoloji Anatomiya Birliyi

Milli Hematologiya və Transfuziologiya Mərkəzi

Bakı Sağlamlıq Mərkəzi

Elmi-Tədqiqat Tibbi Bərpa İnstitutu

Akademik C.M.Abdullayev adına Elmi-Tədqiqat Kardiologiya İnstitutu

Yeni Klinika

Respublika Neyrocərrahiyyə Xəstəxanası

Akademik M.Ə.Mirqasımov adına Respublika Klinik Xəstəxanası

Ə.Əliyev adına Azərbaycan Dövlət Həkimləri Təkmilləşdirmə İnstitutu

28 avqust

saat 10:00-dan-15:00-dək

(Ünvan: Bakı ş., Müzəffər Həsənov k., 35)

İ.M.Seçenov adına Birinci Moskva Dövlət Tibb Universitetinin Baki filialı

29 avqust

saat 12:00-dan-15:00-dək (Ünvan: Bakı ş., Hüseyn Cavid prospekti 139)