Dünya Kyokuşin Birliyi Hakimlər kollegiyasının üzvü olan Q. Aslanov artıq ikinci dəfə dünya çempionatının tatami meneceri seçilib. Bu etimadı doğruldan təmsilçimiz öz həmkarlarını döyüş qaydalarındakı dəyişikliklərlə tanış etməklə, 3 gün təcrübi sınaqlardan keçirib. Çempionatda xüsusən də, gərgin keçən yüngül və orta çəkili idmançıların yarımfinal və final döyüşlərini idarə etmək üçün ən yaxşı hakimlərdən ibarət briqada təyin olunub. Ədalət təmsilçimiz mərkəz hakimi olaraq müxtəlif çəkilərdə qadın və kişilərin 40-dan çox döyüşlərini idarə etmək üçün tatamiyə çıxıb. Gərgin döyüşlər zamanı bir çox mübahisəli anlar yaşanıb. Həmin anlarda Q. Aslanov qaydalara uyğun olaraq peşəkar videoçəkilişləri izləməklə düzgün qərarlar verib.

Qələndər Aslanov əvvəlki illərdə keçirilən Avropa və dünya çempionatlarında qərəzsiz hakimliyinə və test imtahanlarında “mükəmməl” yüksək bal aldığına görə sertifikatlarla təltif olunub.