Açılış nitqindən sonra ATU-nun II mamalıq ginekologiya kafedrasının müdiri Hicran Bağırova və ginekologiya şöbəsinin müdiri Turab Canbaxışovun sədrliyi altında sessiyalar işinə başladı. Konfransda Azərbaycanla yanaşı, İsraildən gələn mütəxəssislərin fərqli mövzular üzrə mühazirələri dinlənildi.

Hadassah Universitetinin Hospitalının həkimi Gülnar Nuriyeva “Təkrarlanan düşüklərin etiopatogenezi”, Barzilai Medical Centerin əməkdaşı Əhməd Namazov “Anadangəlmə uşaqlıq qüsurların diaqnostikası, müalicəsi”, NS Genetics-in əməkdaşı Şirxan Musayev “Abort biomaterialların genetik təhlili və önəmi”, ATU-nun ginekoloqu Nurlana Əmrahova “Hamiləlikdə maqnezium çatışmazlığı: simptomları və müalicəsi”, ATU-nun Tədris Cərrahiyyə Klinikasının ginekologiya şöbəsinin müdiri Turab Canbaxışov “Təkrarlanan düşüklərdə antikoagulant və antiaqreqantların elmi-sübutlu istifadəsi”, ATU-nun ginekoloqu İslam Mahalov “Artıq çəkili qadınların hamiləlikdə, ginekoloji əməliyyatı sırasında tromboemboliyanın profilaktikası” mövzularında mühazirələrlə çıxış etdilər. Mühazirələr ətrafında müzakirələr də təşkil olundu.

Qeyd edək ki, Azərbaycan Respublikası Səhiyyə Nazirliyi tərəfindən 2 Davamedici Tibbi Təhsil Balı veriləcək.