ATU-nun Tədris Cərrahiyyə Klinikasında əyripəncəlikdən əziyyət çəkən 4 aylıq körpə bir neçə mərhələdə müalicə olunmaqdadır. Klinikanın travmatologiya və ortopediya şöbəsinin cərrahı Nicat Səttarov sözlərinə görə, anadangəlmə ayaq əyriliyi olan bu körpə son mərhələdə əməliyyat edilir:

“Müalicənin əvvəlində biz əyriliyi 4 mərhələli gipslə düzəltdik. Buna kensept metodu deyirik. Hazırda axırıncı - dördüncü mərhələdəyik və uşaqda tenotomiya əməliyyatını apardıq. Əməliyyatdan sonra 4 həftə ərzində ayaq gipsdə saxlandıqdan sonra açılır. Daha sonra uşaq xüsusi ayaqqabı geyinməlidir. Bir müddətdən sonra artıq ayaq tam normal formalaşır”.