Tədris Cərrahiyyə Klinikasında 110 yaşlı xəstə uğurla əməliyyat olunub

Adətən yaşlı insanlarda cərrahiyyə əməliyyatının keçirilməsi bir sıra risklər doğurur

Buna baxmayaraq, peşəkar həkimlər xəstənin düzgün qiymətləndirdikdə, sağlamlığına qovuşdurur.

Azərbaycan Tibb Universitetinin Tədris Cərrahiyyə Klinikasında 110 yaşlı Hilal İbrahimovda artroplastika əməliyatı (omba-çanaq protezi) uğurla icra edilib. Azərbaycan Tibb Universitetinin Travmatologiya və ortopediya kafedrasının müdiri, dosent Cəfər Nəsirli verdiyi məlumata görə, xəstə yıxıldıqdan sonra onda sol bud sümüyünün boyun sınığı yaranıb və müayinə nəticəsində xəstədə artroplastika əməliyatı apaılması qərarı verilib.

Omba protezi əməliyyatı - bud oynağının zədələnmiş və ya köhnəlmiş hissələrinin süni implantla (metal, keramika və ya sərt plastikdən hazırlanmış komponentlərlə ) dəyişdirilməsi prosesidir. Bu prosedur ümumi anesteziya altında həyata keçirilir. Xəstələr adətən əməliyyatdan sonrakı ilk gün ayaq üstə dura bilir, yeriməyə başlayırlar. Bizə müraciət edən zaman yerindən qalxa bilməyən, güclü ağrıları olan xəstəmiz əməliyyatdan sonra artıq yeriməyə başlayıb”. 110 yaşlı pasiyent Hilal İbrahimov əməliyyatdan sonra özünü yaxşı hiss edib və bir neçə gün həkim nəzarətində qaldıqdan sonra evə buraxılıb. Xəstə və yaxınları uğurlu əməliyyat üçün ATU-nun Tədris Cərrahiyyə Klinikasının əməkdaşlarına, xüsusilə cərrah, dosent Cəfər Nəsirliyə göstərilən diqqət və qayğı üçün səmimi təşəkkürlərini bildiriblər.

Videonu izlə: 

https://www.youtube.com/shorts/6CNvU1ln8fM