• 03/06/2025 16:21

İyunun 3-də Azərbaycan Tibb Universitetində bakalavr pilləsi üzrə buraxılış imtahanları keçirilib

Ötən illərdən fərqli olaraq bu il yeni imtahan formatı tətbiq olunub.

Tədris işləri üzrə prorektor, professor Nazim Pənahov imtahan prosesinə nazarət edib və mühüm yeniliklər haqqında fikirlərini bölüşüb. Prorektor bildirib ki, Azərbaycan Tibb Universitetinin Elmi Şurasının qərarına əsasən, bu il İctimai səhiyyə, Əczaçılıq və Stomatologiya fakültələrində buraxılış imtahanları yeni formatda keçirilir. Belə ki, imtahanlar iki mərhələdə üç qiymətləndirmə yolu ilə aparılır. Tələbələr ilk gündə nəzəri və praktik biliklər üzrə imtahan verirlər. İkincı gün isə imtahanlar OSKİ formatında keçirilir.

“İmtahanlar hər fakültənin xüsusiyyətlərini nəzərə alaraq təşkil olunub. Yeni format sayəsində tələbə öz kommunikasiya bacarıqlarını nümayiş etdirir, müəllimlə bir başa əlaqə qurur, fikrini şifahi ifadə edir. Beş sualı cavablandırmaq üçün beş müəllim cəlb olunur. Bu gün üç fakültədə keçirilən imtahanların gedişatı ilə tanış oldum. Fakültələrin rəhbərliyi, müəllimlər və tələbələr imtahanların təşkilindən razı qaldıqlarını bildirdilər”, - deyə professor N.Pənahov vurğulayıb.