Bakıda “VII Beynəlxalq Bariatrik- Metabolik cərrahiyyə və Metabolik xəstəliklər” adlı konqres keçirilib. Tədbirin təşkillatçıları Səhiyyə Nazirliyi, Azərbaycan Tibb Universiteti, TƏBİB, Azərbaycan Metobalik və Bariatrik Cərrahlar Assosiasiyası, TOSS (Türk Bariatric Cərrahlar Dərnəyi), TCD (Türk Cərrahi Dərnəyi) dərnəkləri və “MODERN Hospital” klinikasıdır. Konqres İFSO (International Federation for the Surgery and Other Therapies for Obesity) və EASO (European Association for the Study of Obesity) - nun dəstəyi ilə reallaşdırlıb.

      Üç mühüm hissəni əhatə edən tədbirin digər istiqamətləri III Xəzər dənizi ətrafı dövlətlərin Bariatrik Cərrahiyyə konfransı və V Türkdilli xalqların Bariatrik Cərrahiyyə konfransıdır. 

      Azərbaycanla yanaşı, tədbirdə 9 ölkə 37 beynəlxalq çıxışçı ilə təmsil olunub, həmçinin Türkiyə, Qazaxıstan, Özbəkistan, İran, Rusiya, Gürcüstan, Almaniya, Böyük Britaniya, ABŞ-dən olan mütəxəssislər, beynəlxalq bariatrik metabolik, piylənmə ilə mübarizə assosiasiyalarının sədrləri iştirak ediblər. 

     Tədbirdə ”Bariatrik-Metabolik cərrahiyyə (ABMCA, TOSS, İFSO, TCD)”, “Piylənməli xəstələrdə mini-invaziv və ümumi cərrahiyyə (ABMCA,TCD, AELCA)”, “Kardiologiya (AKC)”, “Reanimasiya - anesteziologiya (AzRAC)”, “Endokrinologiya (EDTTA, AEC)”, “Dietologiya-Nutrisiologiya (ANDOP, MBCDD)”, “Hepatologiya- Qastroenterologiya (AQİEC, AQHİB)” mövzuları üzrə elmi panellər təşkil olunub. Panellərdə piylənmə xəstəliyinin multidissiplinar müalicəsi müzakirə edilib. 

      Qeyd edək ki, konqress İFSO-International Federation for the Surgery of Obesity and Metabolic Disorder tərəfindən rəsmi olaraq tanınır.