Tələbə elmi cəmiyyəti

Ali təhsil qarşısında duran ən mühüm vəzifələrdən biri müasir tələblərə  cavab verən yüksək  ixtisaslı  kadrlar hazırlamaq, onlara nəzəri və  təcrübi vərdişlər aşılamaqdır. İxtisaslı  mütəxəssislərin  hazırlanmasında tələbə elmi işlərinin çox mühüm əhəmiyyəti vardır.
Hesabat  ilində ATU-nun həm nəzəri, həm də klinik bazalarında bir sıra konfranslar, elmi seminarlar  təşkil olunmuşdur.  Mart-aprel ayında bütün fakültələrdə  elmi konfranslar  keçirilmiş, ən yaxşı göstəricilərə malik tələbələr  Beynəlxalq Tibb Konqresində iştirak etmək hüququ qazanmışdır. Tədris  ilinin  birinci  yarısında  fakültə konfranslarında iştirak etmək üçün müxtəlif kafedralarda elmi konfranslar keçirilmişdir. Belə ki, I müalicə-profilaktika fakültəsi 23,24,25 aprel 2018, II müalicə-profilaktika fakültəsi 7,8 may 2018, stomatologiya fakültəsi  1,2 may 2018, əczaçılıq fakültəsi 2,3 may 2018, ictimai səhiyyə fakültəsi 7,8,10 may 2018, hərbi tibb fakülstəsi 10 aprel 2018 tarixlərində elmi konfranslarını keçirmişdilər.
1-2 noyabr 2018-ci il tarixində Azərbaycan Tibb Universitetində gənc alimlərin, rezidentlərin və tibb tələbələrinin  “V  Beynəlxalq Tİbb Konqresi” keçirildi. Öncəliklə Ulu Öndər Heydər Əliyevin büstü  önünə gül dəstəsi qoyularaq xatirəsi anıldı. Sonra ATU-nun rektoru və qonaqlar poster bölməsində olan məruzələrə baxış keçirdilər. Giriş sözü ilə ATU-nun rektoru prof.Gəray Gəraybəyli çıxış etdi. Rektor öz çıxışında rəhbərlik etdiyi bu ali elm və təhsil ocağında təbabətin müxtəlif  bölmələri üzrə mütəmadi olaraq beynəlxalq səviyyəli tədbirlərin keçirildiyini dedi. O, bu konqresin təşkilinin artıq ənənə halı aldığını qeyd etdi və  konqresin işini açıq elan edərək tələbələrə uğurlar arzuladı. Tədbirdə əvvəlcə Azərbaycan Respublikasının Dövlət  Himni, sonra ATU-nun Himni səsləndirildi.
Təbrik üçün kürsüyə  Türkiyə Endoskopik Laparoskopik  Cərrahlar Dərnəyinin rəhbəri və qurucusu, Fransa Leon Universitetinin  professoru  Cavit Avcı dəvət olundu. O, konqres iştirakçılarını təbrik etdi və İstanbul Universiteti Tibb fakültəsi adından Azərbaycan  Tibb Universitetinin rektoru prof.G.Gəraybəyliyə plaket hədiyyə verdi. Özbəkistanın Daşkənd  Pediatriya İnstitutunun nümayəndəsi Sardorxoca Sızdıkxocayev çıxış ederək konqresin işinə uğurlar diləyib. O, prof.G.Gəraybəyliyə təmsil etdiyi ali təhsil ocağı adından Özbəkistan milli geyimini və hədiyyələri təqdim etmişdir. Rəsmi açılışdan sonra Asəf Zeynallı adına uşaq musiqi məktəbinin tələbələri  və ATU-nun “Şəfa” özfəaliyyət qrupu musiqili proqramla çıxış etdilər.
Beşinci dəfədir keçirilən konqresdə Türkiyə, Rusiya, Almaniya, İran, Özbəkistan, Pakistandan olan həkimlər, gənc alim və tələblər iştirak etmişdirlər. Konqresə 200-ə qədər elmi məqalə və tezislər daxil olmuşdur. Ümumilikdə, 749 iştirakçı “V Beynəlxalq Tibb Konqresi” üçün rəsmi qeydiyyatdan keçmişdir. Konqresdə 602 nəfər iştirak etmiş, bunlardan 295 nəfər həkim və rezident, 270 nəfər tələbə, 37 nəfəri xarici ölkə universitetlərində təhsil alan professorlar, tələbələr və həkimlər idi. Eyni zamanda ölkəmizin müxtəlif mərkəzi xəstəxanalarında çalışan, Naxçıvan MR Dövlət Universiteti Tibb fakültəsinin əməkdaşları, Şirvan Diaqnostik Mərkəzinin əməkdaşları, Şəki, Qusar, Quba, Ağdam, Ağdaş, Bərdə rayon mərkəzi xəstəxanalarında çalışan həkimlər də konqresə qatılmışdırlar.
V Beynəlxalq Tİbb Konqresi dünyanın bir çox ölkələrindən olan professor, həkim və tibb tələbələrini  bir araya gətirdi.  Konqres iş planına uyğun olaraq cərrahiyyə, pediatriya, stomatologiya, onkologiya, psixiatriya, ginikologiya, oftolmologiya, endokrinologiya, nevrologiya, epidemiologiya, hematologiya, kardiologiya, mikrobiologiya, histologiya, biokimya, əczaçılıq, genetika, tibbi statistika və poster bölməsi  üzrə işini davam etdirdi.
Konqresdə iştirak etmək üçün dünyanın 20-dən çox universitetinə rəsmi dəvət göndərilmişdir. V Beynəlxalq Tİbb Konqresində qardaş respublika olan Türkiyə  İstanbul Universiteti Tibb fakültəsi, Qazi Universiteti 2  elmi məqalə ilə, Rusiyadan Dağıstan Dövlət Tibb Universiteti, Tümen Dövlət Tibb Universiteti 29 elmi məqalə ilə, İrandan Məşhəd Tibb Elimləri Universiteti, İslam Azad Universiteti, Tehran Tibb Elimləri Universitetləri 7 məqalə ilə, Erlangen-Nürnbergin Fridrix-Aleksander Universiteti 1 məqalə ilə, Pakistan Karaçı Universiteti 1, Özbəkistandan  Daşkənd Pediatrik Tibb İnstitutundan 5, Daşkənd Tıbb Akedemiyası  7, Buxara Tibb Universiteti 1 elmi məqalə ilə, İ.M.Seçenov adına I Moskva Dövlət Tibb Universitetinin Bakı filialından 19 məqalə ilə  professor, həkim  və tibb tələbəsi qatılmışdır. Ümumilikdə 44 həkim və tibb tələbəsi təbabətin aktual problemlərinə həsr olunmuş məruzələri  ilə  konqresdə çıxış etmişdir. İlk dəfədir ki, Beynəlxalq konqres Azərbaycan Səhiyyə Nazirliyi tərəfindən akkreditasiya  olundu. Aktiv iştirakçılara 21, passiv iştirakçılara 16 bal verildi.
Konqresdə prof. Dr.Cavit Avcı, tibb ü.e.d., dos. Müşviq Həsənov, prof. Dr.Rasim Gençosmanoğlu, prof. Dr.Aydın Alper, prof. Dr.Levent Avtanın rəhbərliyi ilə laparoskopik  kolorektal cərrahiyəyə aid kurs keçirildi. Kursda 30 nəfər həkim, rezident və  tələbə iştirak etmişdir.
Münsiflər heyətinin yekun rəyinə əsasən konqres iştirakçılarına sertifikat təqdim edilmişdir. Konqresin bağlanışı təntənəli surətdə ATU-nun akt zalında keçirilmişdir. ATU-nun t.ü.e.d.;dos.M.Həsənov çıxış ederek “V Beynəlxalq Tibb Konqresində” iştirak eden bütün iştirakçıları təbrik etdi və universitetin rektoru prof.G.Gəraybəylinin adından onlara uğurlar arzuladı.  Sonda ATU-nun “Şəfa”  özfəaliyyət qrupunun çıxışı ilə konqres öz işini başa çatdırmışdır.
Belə tədbirlər dünyanın müxtəlif universitetlərində təhsil alan tibb tələbələrinin və dünyanın aparıcı klinikalarında çalışan həkimlərin bir araya gəlməsi, bir-birləri ilə fikir mübadiləsi aparması, eləcə də öz biliklərini bölüşməsi, universitetimizin və ölkəmizin gənc həkim və tələbələri ilə tanış olması üçün çox gözəl fürsətdir.
V Beynəlxalq Tİbb Konqresi dövlət mətbuatında və televiziya kanalları vasitəsilə işıqlandırılmışdır.
Hal-hazırda 2019-cı il mart-aprel ayında bütün fakültələr üzrə növbəti konfransların keçirilməsi üçün hazırlıq işləri aparılır. Bu məqsədlə, müəllim və tələbələrdən ibarət təşkilati  komitə yaradılmışdır. İşlər ATU-nun TEC-nin iş planına  müvafiq qaydada  davam etdirilir.