İlhamə Mustafayeva

15 may 1970-ci ildə Ordubad rayonunda ziyalı ailəsində anadan olmuşdur.

1993-cü ildə N.Nərimanov adına Azərbaycan Tibb İnstitunun Pediatriya fakültəsini,1994-cü ildə Respublika Kliniki Uşaq xəstəxanasında internatura səviyyəsini bitirmişdir. 1995-ci ildə Həkimləri Təkmilləşdirmə İnstitutunda ixtisaslaşma kursu keçərək mama-ginekoloq ixtisası almışdır. Tibb üzrə fəlsəfə doktoru, dosentdir. Əmək fəaliyyətinə 1995-ci ildə Naxçıvan Qarnizon Hərbi Hospitalında həkimginekoloq kimi başlamış, 1995-1996-cı illərdə Naxçıvan şəhəri Mərkəzi Xəstəxanasında mama-ginekoloq, 1997-2007-ci illərdə N.Nərimanov adına Naxçıvan Respublika Xəstəxanasında həkim-ginekoloq, 2007-2015-ci illərdə Naxçıvan Tibb Kollecində direktor, 2016-2019-cu illərdə Naxçıvan şəhər N saylı hərbi hissədə ginekoloji kabinə müdiri, 2019-cu ildən Naxçıvan Dövlət Universiteti Tibb fakültəsində müəllim vəzifəsində işə başlamış, 2021-2023-cü illərdə Naxçıvan Dövlət Universiteti Tibb fakültəsi Təməl Tibb fənləri kafedrasında kafedra müdiri vəzifələrində çalışmış, 2023-cü ildən Naxçıvan Dövlət Universiteti Tibb fakültəsində dekan vəzifəsində çalışıb. 13.06.2024-cü il tarixdə Naxçıvan Muxtar Respublikasının “Əməkdar həkim” adı ilə təltif olunmuşdur. 2010-cu ildə Naxçıvan MR Ali Məclisinə keçirilmiş seçkilərdə 45 saylı Aza seçki dairəsindən namizədliyini irəli sürmüş, deputat seçilmişdir. 2002-ci ildən Yeni Azərbaycan Partiyasının üzvüdür. 2007-2015-ci illərdə Naxçıvan Tibb Kolleci YAP ərazi təşkilatının sədri, 2010-2015-ci illərdə YAP Naxçıvan MR Qadınlar Şurasının sədr müavini olmuşdur. Azərbaycan Qadınlarının II Qurultayında Naxçıvan Muxtar Respublikası üzrə nümayəndə heyətinin sədri, III Qurultayında Naxçıvan Muxtar Respublikası üzrə nümayəndə heyətinin üzvü seçilmişdir.