Əliyev Ramiz Rasim oğlu 1964-cü ilin oktyabr ayının 5-də Bakı şəhərində ziyalı ailəsində anadan olmuşdur. 1982-ci ildə Cəmşid Naxçıvanski adına Hərbi litseyi bitirmiş, həmin ildə SSRİ Daxili İşlər Nazirliyi Xarkov Yanğın Texniki məktəbinə daxil olmuş və 1985-ci ildə “Yanğın təhlükəsizliyi üzrə mühəndis” ixtisası üzrə təhsil alaraq  leytenant xüsusi rütbəsi verilmiş və təyinatla Azərbaycan SSR Daxili İşlər Nazirliyinin sərəncamına göndərilmişdir. 1985-87-ci illərdə Azərbaycan SSR Daxili İşlər Nazirliyi 3 saylı hərbiləşdirilmiş Yanğından  Mühafizə Hissəsində növbə rəisi, 1987-1994-cü idə həmin hissədə “yanğın təhlükəsizliyi” üzrə inspektor, 1994-cü ildən isə Azərbaycan Respublikası DİN Yanğından Mühafizə İdarəsinin İstintaq şöbəsinə müstəntiq, bir müddət sonra isə baş müstəntiq təyin edilmişdir. 2005-ci ilin dekabr ayının 15-də Fövqəladə Hallar Nazirliyinin yaranması ilə əlaqədar həmin nazirliyinin Əməliyyat İstintaq idarəsinə baş müstəntiq vəzifəsinə köçürülmüşdür. 1993-cü ildə Bakı Dövlət Universitetinin hüquq fakültəsinin axşam şöbəsini bitirmişdir. Azərbaycan Respublikası Daxili İşlər Nazirliyinin  30.12.2004-cü il tarixli əmrinə əsasən xidməti vəzifələrini layiqincə yerinə yetirilməsi, cinayətkarlıqla mübarizədə yüksək peşəkarlıq nümayiş etdirdiyinə görə “təşəkkür” elan edilmiş, Azərbaycan Respublikası FHN-in 15.02.2007-ci il tarixli əmri ilə 3-cu dərəcəli, 15.12.2009-cu il tarixli əmri iıə 2-ci dərəcəli, 16.12.2013-cü il tarixli əmri ilə 1-ci dərəcəli qüsursuz xidmətə görə medalı ilə təltif olunmuşdur. AR  FHN-in 15.12.2010-cu il tarixli əmrinə əsasən AR Silahlı Qüvvələrin veteranı medalı ilə təltif edilmişdir.

2015 ilin dekabr ayında yaşa görə hərbi xidmətdən polkovnik-leytenant rütbəsində ehtiyata buraxılmışdır. 2022-ci ilin sentyabr ayının 22-dən Azərbaycan Tibb Universitetinin Əməyin mühafizəsi texniki təhlükəsizlik üzrə mühəndis vəzifəsinə təyin edilmiş, 2022-ci ilin dekabr ayının 12-dən hal-hazıra kimi Universitetin  Mülki Müdafiə Qərargah rəisi vəzifəsində çalışır.