Azərbaycan Tibb Universiteti Tələbə Həmkarlar İttifaqı Komitəsi nəzdində fəaliyyət göstərən “Həyat” teatr klubu 2019-cu ildə yaradılmışdır. Klub fəaliyyət illərində bir çox fərqli tamaşa ilə universitetin tələbə və müəllimlərindən ibarət tamaşaçılarının önünə çıxmışdır. Klubun sədri və bədii rəhbəri Dilbər Rahim Əliyevadır. “Mahmud və Məryəm”, “Nişanlı qız”, Nizami Gəncəvi yaradıcığına həsr olunmuş “Beş Məşəl” tamaşası, narkomaniya ilə mübarizə üçün yazılmış və oynanmış “Bir idmançının taleyi”, Şəhid həkimlərimizə həsr edilən “Şəhid həkim Ceyhun”, akademik Zərifə xanım Əliyevanın yubileyinə həsr edilən “Göz həkimi” və tələbələrin sevimlisi “Dörd divar arasında” tamaşaları klubu tamaşaçılara tanıdıb və sevdirib. 2023-cü il 13-14-15-18 dekabr tarixlərində ATU I Teatr Festivalı baş tutdu. Dörd gün ardıcıl dörd fərqli tamaşa ilə; “Bankir adaxlı”, “Laylay”, “Tunc heykəl”, “Albom”, 5 nömrəli binanın akt zalında anşlaq olmuşdur.  Rektorumuz professor Gəray Gəraybəyli klubda olan tələbələrə böyük dəstək göstərir və işini qiymətləndirir.