ATU THİK Kitab Klubu 23 fevral 2023-cü ildə fəaliyyətə
başlamışdır. Klubun məqsədi tələbə, qeyri-tələbə fərq etmədən bütün
ATU Ailəsini səmimi bir mühitdə birləşdirmək, dincələrək maariflənməni
təmin etməkdir.
Hazırda Rüfət Həsənlinin sədrlik etdiyi, Aytəkin Güliyevanın isə
sədr müavini olduğu klubun, ümumilikdə, 12 nəfərdən ibarət İdarə Heyəti
və 500-dən çox üzvü var.
Klub universitetdaxili və xarici çoxsaylı layihə və tədbirlərə imza
atmışdır. Bugünədək 9 kitabın müzakirə günü, 4 kitabbağışlama aksiyası,
3 kitab sərgisi, "Danışır ATU!" layihəsi çərçivəsində 3 görüş, 1 yazıçı ilə
imza günü, “Bakı turu” layihəsi çərçivəsində 6 muzeyə ekskursiya, 4
universitetin tələbələrinin iştirakı ilə 2 Poeziya Müsabiqəsi, Rəsm Klubu
ilə birlikdə “Mənim Qəhrəmanım” adlı 1 Rəsm Müsabiqəsi və daha neçə
müxtəlif tipli tədbir həyata keçirilib. Bunlardan əlavə, ölkənin 9 kitab
klubu və bəzi əlaqəli qurumlarla əməkdaşlıq yaradılıb, klub üzvlərinin
səsləndirməsində dünyanın 11 platformasında podkast yayımlanır,
"Kirildən Latına" layihəsi çərçivəsində 3 kitab latın qrafikasına çevrilib.
Klubun Bədii Kitab Fondunda isə 350-ə yaxın müxtəlif adda, 4 dildə
kitab və 40 saydan çox mətbu nümunələr toplanmışdır ki, indiyədək
yüzlərlə tələbə və onlarla müəllim bunlardan yararlanmışdır. Həmçinin
klub üzvlərinin müəllifi olduğu 50-dən çox məqalə və şeir klubun vebsaytında (https://amubookclub.wordpress.com) dərc olunmuşdur. Bütün
bunlarla yanaşı “Azerbaijani Wikimedians User Group” ilə əməkdaşlıq
qurulmuş, “VikiLayihə Tibb” başladılmış, klubun bir sıra üzvləri
təlimlərdə iştirak etmiş, tibb sahəsində töhfələr vermişdir.
ATU THİK Kitab Klubunda idarəetmə və klub işinin təşkili
məqsədilə "Əsasnamə" adlı xüsusi toplu formalaşdırılmış və üzvlər
tərəfindən qəbul edilmişdir.
Klubumuzun İdarə Heyəti:
 Sədr － Rüfət Həsənli
 Sədr Müavini － Aytəkin Güliyeva
 Biblioqraf － Familə Babazadə
 Biblioqraf － Solmaz Yaqubova
 Daxili İşlər üzrə Nümayəndə － Ləman Mustafayeva
 Daxili İşlər üzrə Nümayəndə － Şölə Hüseynova
 Qrafik Dizayner － Diana Muradxanova
 Qrafik Dizayner － Estella Əhmədzadə
 Layihələr üzrə Təşkilatçı － Nail İsmayılov
 Layihələr üzrə Təşkilatçı － Tamerlan Ağazadə
 Sosial Media Meneceri － Nigar Səlimli
 Üzvlərlə İş üzrə Nümayəndə － Azərin Şükürlü
Gördüyümüz işlər:
23.02.2023 － ATU Kitab Klubu yaradılmışdır.
27.02.2023 － Klubun Əsasnaməsinin I nəşri yayımlanmışdır.
02.03.2023 － Klubumuzun veb-saytı istifadəyə verilmişdir.
02.03.2023 － Klub nəzdində Kitab Fondu yaradılmışdır.
04.04.2023 － Klubumuzun mobil tətbiqi istifadəyə verilmişdir.
19.04.2023 － ATU-da detektiv yazıçı Elxan Elatlı ilə görüş keçirilmişdir.
19.04.2023 － “Həmin o kitab” layihəsinə başlanılmışdır.
07.05.2023 － UNEC Kitab Klubu ilə əməkdaşlıq qurulmuşdur.
11.05.2023 － Yu Huanın “Yaşamaq” kitabının müzakirəsi baş tutmuşdur.
17.05.2023 － Adam Faverin “Ağlasığmaz” kitabının müzakirəsi baş
tutmuşdur.
18.05.2023 － ATU-da I Poeziya Müsabiqəsi təşkil olunmuşdur.
29.05.2023 － ADU “Readers” Kitab Klubu ilə əməkdaşlıq qurulmuşdur.
03.07.2023 － SGE Kitab Klubu ilə əməkdaşlıq qurulmuşdur.
05.07.2023 － “Kirildən Latına” layihəsinə başlanılmışdır.
12.07.2023 － Klubumuzun yeni simgəsi hazırlanmışdır.
08.08.2023 － Klubun Əsasnaməsinin II nəşri yayımlanmışdır.
08-10.08.2023 － Klubun İdarə Heyəti seçkiləri baş tutmuşdur. Rüfət
Həsənli Sədr seçilmiş, yeni tərkib formalaşdırılmışdır.
12.08.2023 － V.Sinelnikovun “Öz xəstəliyini sev” kitabının müzakirəsi
baş tutmuşdur.
06.09.2023 － Klubumuz otaqla təmin edilmişdir.
21.09.2023 － I kurs tələbələrlə görüş keçirilmişdir.
06.10.2023 － Ümumi vakansiya yekunlaşmış, Klubun yeni Rəhbərliyi
təsdiqlənmişdir.
08.10.2023 － Klub nəzdində Elmi Kitab Fondu yaradılmışdır.
24.10.2023 － Klub üzvləri ilə görüş keçirilmişdir.
31.10.2023 － “Üzvlük kartı” və “Fəal oxucu” kartları hazırlandı.
15.11.2023 － Klub üzvlərimiz IX Bakı Beynəlxalq Kitab Sərgisində
Azərbaycan Tibb Universitetini təmsil etdilər.
19-29.11.2023 － ATU və Klubumuzun əməkdaşlığı ilə “Əsgərə xatirə
kitab” kitabbağışlama layihəsi həyata keçirildi.
17.12.2023 － “Danışır ATU!” layihəsinə başlanılmışdır.
20.12.2023 － “Danışır ATU!” layihəsi çərçivəsində “Ağıl, yoxsa Ürək?”
mövzulu ilk görüş baş tutmuşdur.
19-22.12.2023 － Klubumuzun təşəbbüsləri nəticəsində “Qanun
Nəşriyyatı”nın ATU-da kitab sərgisi baş tutmuşdur.
06.01.2024 － Corc Oruellin “Heyvanıstan” kitabının müzakirəsi baş
tutmuşdur.
12.01.2024 － Stefan Svayqın “Bilinmeyen kadının mektubu” kitabının
müzakirəsi baş tutmuşdur.
12.01.2024 － 106.3FM əməkdaşlarının dəstəyi ilə Klubumuzun ilk
ictimai podkastı yaradılmışdır. Podkast 12 beynəlxalq platformada
yayımlanır.
31.01.2024 － “ATU Kitab Klubu” Podkast Layihəsinə başlanılmışdır.
06.02.2024 － İrəli İB ilə əlaqələr qurulmuşdur.
08.02.2024 － UNEC Book Club ilə əməkdaşlıq qurulmuşdur.
10.02.2024 － Xəzər Universiteti “Kultura” Kitab və Yazarlar Klubu ilə
əməkdaşlıq qurulmuşdur.
10.02.2024 － ADNSU Kitab Klubu ilə əməkdaşlıq qurulmuşdur.
11.02.2024 － Anton Çexovun “Altı nömrəli palata” kitabının müzakirəsi
baş tutmuşdur.
(15.02.2024 － Klubumuzun otağı bağlanmışdır.)
21.02.2024 － Santiago Book Club ilə əməkdaşlıq qurulmuşdur.
23.02.2024 － Klubumuzun 1 yaşı tamam oldu. Bununla bağlı ATU-nun
və Klubun saytında və “TƏBİB” qəzetində məlumatlar paylaşıldı.
29.02.2024 － “Əsgərin kitab rəfi” layihəsi çərçivəsində 20-yə yaxxın
kitab toplanmışdır.
02.03.2024 － ATU THİK təşkilatçılığı ilə Klubumuzun 7 üzvünə
Azərbaucan Dövlət Akademik Musiqili Teatrına “Molla Nəsrəddinin beş
arvadı” tamaşasına bilet verildi.
15.03.2024 － Mitsuko Takahaşinin “Kəpənək mövsümü” kitabının
müzakirəsi baş tutmuşdur.
28.03.2024 － “Danışır ATU!” layihəsi çərçivəsində “Sosial medianın
gündəlik həyatımızda yeri” adlı ikinci görüş keçirildi.
10.04.2024 － Klubumuzun “YouTube” kanalı fəaliyyətə başlamışdır.
03.05.2024 － “Danışır ATU!” layihəsi çərçivəsində “Fərdlərin mövqeyi:
Kişilər və qadınlar” mövzulu üçüncü görüş keçirilmişdir.
04.05.2024 － “Bakı turu” layihəsinə başlanılmışdır.
11.05.2024 － “Bakı turu” layihəsi çərçivəsində 25 klub üzvünün iştirakı
ilə ilk ekskursiya təşkil olunmuşdur. Ekskursiya zamanı Əliağa Vahid
parkı, Miniatür Kitab Muzeyi, Qoşa Qala Qapısı meydanı, Nəriman
Nərimanovun Xatirə Muzeyi ziyarət olunmuşdur.
18.05.2024 － “Bakı turu” layihəsi çərçivəsində ikinci ekskursiya təşkil
olunmuşdur. Ekskursiya zamanı Muzey Mərkəzi, Azərbaycan İstiqlal
Muzeyi, Azərbaycan Musiqi Mədəniyyəti Dövlət Muzeyi və Cəfər
Cabbarlı adına Azərbaycan Dövlət Teatr Muzeyi ziyarət olunmuşdur.
21.05.2024 － ATU THİK-in maliyyə dəstəyi ilə “Qanun
Nəşriyyatı”ndan Kitab Fondu üçün 44 kitab alınmışdır.
24.05.2024 － Klubumuzun təşkilatçılığı ilə ATU II Poeziya Müsabiqəsi
təşkil olunmuşdur. Müsabiqədə Xəzər Universiteti, UNEC və BDU
tələbələri də iştirak etmişdirlər.
27.05.2024 － Klubumuzun rəhbərliyi ilə Azərbaycan Kitab Klubları
Assosiasiyası (AKKA) yaradılmışdır.
27.05.2024 － Klubumuz Rüfət Həsənlinin maliyyəsi hesabına “Füyuzat”
jurnalına abunə olmuşdur.
04.06.2024 － BHOS Book Club ilə əməkdaşlıq qurulmuşdur.
09.06.2024 － Klub üzvümüz, ATU tələbəsi Natiq Əliyevin (222A-2b)
müəllifi olduğu “Qırmızı damlı malikanədə qətl” adlı detektiv roman işıq
üzü görmüşdür.
23.06.2024 － Klub üzvlərimiz “Qanun Nəşriyyatı”nın kitab sərgisində
iştirak etmişdirlər.
03.07.2024 － Klubumuzun 45 fəal üzvünə təşəkkürnamə təqdim
edilmişdir.
05.07.2024 － “Azərbaycanca Vikipediya”da “VikiLayihə Tibb”
layihəsinə başlanılmışdır.
14.07.2024 － ATU, ADNSU və Xəzər Universiteti kitab klublarının
üzvləri Azərbaycan Yazıçılar Birliyinin 90 illik yublieyi münasibətilə
Beynəlxalq Muğam Mərkəzində təşkil olunmuş “AYB - 90” ədəbi-bədii
gecəsində iştirak etmişdirlər.
20-25.07.2024 － Klubumuzun “Instagram” səhifəsində 1000 izləyiciyə
çatılması münasibətilə “Giveaway” təşkil olunmuşdur.
29.07.2024 － “Bakı turu” layihəsi çərçivəsində Qala kəndinə ekskursiya
təşkil olunmuşdur.
29.07.2024 － Rövşən Abdullaoğlunun “Bu şəhərdə kimsə yoxdur”
kitabının müzakirəsi baş tutmuşdur.
31.07-04.08.2024 － Klub Sədri Rüfət Həsənli və Sədr Müavini Aytəkin
Güliyeva “Azerbaijani Wikimedians User Group” və Azərbaycan
Respublikası Gənclər və İdman Nazirliyinin təşkil etdiyi “Gənclər ilə
Vikipediyanı öyrənək, öyrədək və paylaşaq” düşərgəsində ATU kitab
Klubnunu təmsil etmişdirlər.
06-10.08.2024 － ATU Kitab Klubu və ATU THİK Rəsm Klubunun
ortaqlığı ilə “Mənim qəhrəmanım” Rəsm Müsabiqəsi təşkil olunmuşdur.