Azərbaycan Tibb Universiteti Rəsm Klubu Tələbə Həmkarlar İttifaqı komitəsinin nəzdində 2 ildir ki, fəaliyyət göstərir. Klubun məqsədi yaradıcılığı təşviq etmək, incəsənətə marağı artırmaqdır.Klubumuz yaradıcılığı təşviq etməklə yanaşı,tələbələr arasında sosial əlaqələri gücləndirmək və onların universitet həyatını daha maraqlı və mənalı etmək üçün fəaliyyət göstərir.Klubun sədri II Müalicə-Profilaktika fakültəsinin tələbəsi Nəsibli Reyhandır. Rəsm klubu müxtəlif kurs və ixtisaslardan olan 20-ə yaxın tələbədən ibarətdir. 
ATU Rəsm Klubu tələbələr üçün ilboyu müxtəlif tədbirlər və sərgilər təşkil edir. Klubun təşkilatçılığı ilə “8 Noyabr – Zəfər Günü” münasibətilə rəsm yarışı keçirilmiş, həmçinin tələbələrin tətildə vaxtlarını daha maraqlı keçirmələri üçün Kitab Klubu ilə birlikdə “Mənim Qəhrəmanım” adlı rəsm yarışı təşkil olunmuşdur. Bu yarışlar tələbələrin istedadlarını nümayiş etdirmələri və sənətə olan maraqlarını artırmaları üçün gözəl fürsət olmuşdur.
Klubumuzun 2025-ci il üçün planlarına rəssamlıqla məşğul olmaq istəyən tələbələr üçün xüsusi bir otaq,müxtəlif mövzularda müsabiqələr keçirmək,seminarlar təşkil edərək, tələbələrə yeni biliklər qazandırmaq nəzərdə tutulur.