ATU Yaradıcılıq Klubu tələbələrin yaradıcılıq qabiliyyətlərinin inkişafına kömək edir. Əgər tələbələrin təşkil etmək istədikləri müəyyən seminarlar və ya səyahət etmək istədikləri yerlər varsa, klubun idarə heyəti bunları nəzərə alaraq tələbələrə dəstək olurlar. Klub 28 mart 2024-cü il tarixində yaradılmışdır. Bir semestr ərzində müxtəlif incəsənət muzeylərində masterklasslar, pikniklər, oyun günləri və musiqi günləri təşkil edilmişdir.

Əyani görüşlərdə keçirilən yarışlarda iştirak edən tələbələr müxtəlif hədiyyələr qazanmışlar. Tələbələr arasında psixoloji danışıqlar, motivasiya görüşləri və bəzi sosial mövzularda müzakirələr isə onlayn şəkildə həyata keçirilmişdir. Hətta bu müzakirələrdə valideyn, tələbə və müəllim üçbucağı mövzusuna da geniş yer verilmişdir.

Qısa müddət ərzində fəaliyyətimiz çərçivəsində müxtəlif fakültə və kurslardan olan tələbələr, eləcə də “ADA”, “UNEC”, “BDU” kimi universitetlərdə təhsil alan tələbələr arasında sosial əlaqə yaratmağa nail olmuşuq.