Azərbaycan Tibb Universitetinə tələbələrin qəbulu Azərbaycan Respublikası Səhiyyə Nazirliyi, Elm və Təhsil Nazirliyi, Müdafiə Nazirliyi tərəfindən təsdiq olunmuş qəbul planlarına əsasən Dövlət İmtahan Mərkəzinin (DİM) keçirdiyi test imtahanlarının nəticələrinə görə həyata keçirilir.

2018/2019, 2019/2020 və 2020/2021-ci tədris illərində Azərbaycan Tibb Universitetinə qəbul olan tələbələrin sayı aşağıdakı cədvəldə verilmişdir:

Əcnəbi təhsilalanların qəbulu zamanı hazırlıq dönəmində əsas meyar kimi abituriyentlərin orta məktəb bilikləri, oxuyacaqları dilin baza səviyyəsi,  dünyagörüşü, təhsil proqramını yerinə yetirmə potensialı, şəxsi keyfiyyətləri və həkimlik sənətinə olan maraqları əsas götürülür.

           Abituriyentlərin tam şəffaflığı təmin etmək üçün xarici vətəndaşlar öz ölkələrini tərk etmədən ATU-da 2018-ci ildən elektron portal yaradılmışdır. Azərbaycan vətəndaşı olmayan şəxslər bu portaldan istifadə edərək, Əcnəbi təhsilalanlarla iş üzrə dekanlığının nəznində hazırlıq kursuna qəbul edilirdilər. 2023-cü ildən Azərbaycan Respublikası Təhsil Nazirliyi tərəfindən https://portal.edu.az elektron saytı yaradılmışdır. Abituriyentlər bu saytdan qeydiyyatdan keçdikdən sonra ATU-da yaradılan xüsusi komissiyaya yönəldilir. Bu işdə tam şəffaflığı təmin etmək üçün ATU tələbə seçimində heç bir şirkət və agentlərdən istifadə etmir.

           Abituriyentlər şəxsi kabinetlərini yaradır və lazımı sənədləri sistemə yerləşdirirlər. Bundan sonra onların elektron ünvanına məlumat göndərilir və onlayn müsahibə təyin edilir. Müsahibə ATU tərəfindən yaradılmış xüsusi komissiya (əcnəbi vətəndaşların və vətəndaşlığı olmayan şəxslərin universitetin hazırlıq kursuna qəbul komissiyası) tərəfindən aparılır. 24 saat ərzində nəticə barəsində abituriyentə məlumat göndərilir.

           Abituriyent qəbul olduqdan sonra müqavilənin imzalanması, şəxsi işlərin təqdimatı əyani şəkildə keçirilir. Ölkələrdən asılı olaraq tələbələrə təhsil vizası göndərilir. Pandemiya zamanı tədris distant şəklində, hal-hazırda isə əyani şəkildə keçirilir. Təhsil müddəti hazırlıq kursunda 6 aydır. Hər il 600 nəfər xarici tələbəni maddi-texniki bazanı nəzərə alaraq ATU qəbul edə bilər.

Hazırlıq kursunda tələbələr seçdiyi dil (Azərbaycan, rus, ingilis) fizika, kimya və biologiya fənnlərini dinləyirlər. Kursun sonunda elektron formatda (İmtahan mərkəzində) buraxılış imtahanı verirlər. İmtahanı müvəffəqiyyətlə verən dinləyicilər seçdikləri fakültəyə müvafiq olaraq 1-ci kursa qeydiyyatdan keçirlər.

2018/2019-cu tədris ilində ATU-ya qəbul olan tələbələr haqqında

2019/2020-ci tədris ilində ATU-ya qəbul olan tələbələr haqqında

2020/2021-ci tədris ilində ATU-ya qəbul olan tələbələr haqqında

2024-cü ildə ATU-dan məzun olan tələbələr haqqında

2023-cü ildə ATU-dan məzun olan tələbələr haqqında

2022-ci ildə ATU-dan məzun olan tələbələr haqqında