“Nefrologiya” fənni böyrəklərin quruluşunu, funksiyalarını, eləcə də böyrək xəstəliklərinin yaranma mexanizmlərini, klinik xüsusiyyətlərini və müalicə prinsiplərini öyrənir. Fənn orqanizmdə su-elektrolit və turşu-qələvi balansının qorunmasında böyrəklərin rolunu izah edir və böyrək patologiyalarının erkən aşkarlanması, profilaktikası və effektiv idarə olunmasına yönəlmiş biliklərin formalaşdırılmasına xidmət edir. Nefrologiya böyrək xəstəlikləri, onların ağırlaşmaları və uzunmüddətli nəticələri haqqında anlayışları əhatəli şəkildə izah və təhlil edir.

Fənnin müxtəlif aspektləri araşdırılmaqla yanaşı, əsas diqqət nefroloji xidmət sahəsində praktik bacarıqların tətbiqinə, klinik qərarvermə qabiliyyətinin formalaşdırılmasına və sübutlara əsaslanan tibbi yanaşmanın mənimsənilməsinə yönəldilmişdir. Bu fənn əhalinin sağlamlığının qorunması sahəsində fundamental biliklərin əldə edilməsi və səhiyyə sistemində gələcək peşəkar mütəxəssislərin hazırlanması məqsədilə tərtib edilmişdir.

Nefrologiya böyrək xəstəliklərini bioloji, klinik və sosial aspektlərdən araşdırır, onların yaranma səbəblərini müəyyən edir və bu səbəblərin qarşısının alınması yollarını ortaya qoyur. Fənn xroniki böyrək xəstəliklərinin inkişaf mərhələləri, dializ və transplantasiya kimi müalicə üsulları barədə geniş məlumat əldə etməyə imkan yaradır.

Yaz semestrində keçirilən fənlər

Payız semestrində keçirilən fənlər

Təcrübənin məqsədi: Klinik təcrübə mərhələsində nefrologiya fənninin tədrisində məqsəd gənc həkimlərdə klinik təfəkkürün dərinləşdirilməsi və praktik bacarıqların formalaşdırılmasıdır. Bu mərhələdə klinik təcrübəçilər böyrək xəstəliklərinin ən çox rast gəlinən nozoloji formalarını dərindən mənimsəməklə, onların klinik gedişi, laborator və instrumental göstəriciləri əsasında differensial diaqnostika aparmaq, dəqiq klinik diaqnoz qoymaq, fərdi müalicə planı tərtib etmək və nefroloji xəstəliklərin profilaktikasını həyata keçirmək bacarıqlarını qazanmalıdırlar.

Təcrübənin təlim nəticəsi:

1. Böyrək və sidik yolları xəstəliklərinin əsas nozoloji formalarının (kəskin və xroniki qlomerulonefritlər, pielonefrit, kəskin və xroniki böyrək çatışmazlığı, nefrotik və nefritik sindromlar və s.) etiologiya, patogenez və klinik gedişini izah etmək.
2. Ən çox rast gəlinən nefroloji sindromları (proteinuriya, hematuriya, ödem sindromu, arterial hipertenziya və s.) tanıyır və onların yaranma mexanizmlərini bimək.

1.  Böyrək xəstəliklərinin digər sistemlərlə əlaqəsini və yanaşı gedən patologiyalarla assosiasiyasını izah etmək.
2.  Nefroloji xəstəliklərdə differensial diaqnostika aparır və ilkin klinik diaqnoz qoyur.
3. Xəstənin vəziyyətinə uyğun müalicə planı hazırlamaq və onu əsaslandırmaq(dietoterapiya, medikamentoz müalicə, dializ və s.).
4.  Təcili nefroloji vəziyyətlərdə ilkin tibbi yardım göstərmək və mütəxəssisə yönləndirmə qərarı vermək.
5.  Komanda daxilində effektiv ünsiyyət qurur və pasiyentin maarifləndirilməsində iştirak edir.
6. Klinik halların müzakirəsində fəal iştirak edir, müstəqil qərar verməyə hazır olur.
7. Tibbi sənədləri (epikriz, ambulator kart, göndərişlər və s.) düzgün və standartlara uyğun şəkildə tərtib edir.

Təcrübənin məzmunu: Təcrubə müddətində nefrologiya fənninin tədrisi praktik yönümlü şəkildə təşkil olunur və intern həkimlərin klinik düşüncə qabiliyyətlərinin, peşəkar bacarıqlarının, qərarvermə və müalicə planlaşdırma səriştələrinin formalaşdırılmasına yönəlib. Tədris müddətində klinik təcrübəçilər stasionar və ambulator (poliklinik) şəraitdə həkim-müəllimlərin rəhbərliyi altında birbaşa müalicə işində iştirak edir, kafedra müdirinin, professor və dosentlərin apardığı kliniki baxışlarda fəal şəkildə iştirak edirlər.Eyni zamanda  real xəstələr üzərində mono- və politematik klinik araşdırmalar aparır,  klinik təcrübə zamanı göstərilən xəstələrin instrumental, laborator-biokimyəvi, funksional, morfoloji və endoskopik müayinələrinin nəticələrini təhlil etməyi öyrənirlər,  Müxtəlif nefroloji sindrom və xəstəliklərin diaqnostikasını, differensial diaqnozunu və müalicə taktikasını təyin etmə bacarığı qazanırlar.Tədris prosesində   əsas böyrək xəstəliklərinin və nefroloji sindromların etiologiya və patogenezini, klinik gedişatını və müalicə prinsiplərini dərindən mənimsəyirlər. Xəstələrin hərtərəfli müayinəsi, diaqnostik qərarvermə, və uyğun müalicənin təyini kimi praktiki vərdişlərə yiyələnirlər.Nefrologiya  üzrə təcrübənin öyrənilməsi tələbələrə gələcəkdə nefroloji xəstəlikləri digər sistem xəstəliklərindən ayırd etməyi , praktik həkimlik fəaliyyətində bu bilik və bacarıqlardan səmərəli istifadə etməyi,ixtisasartırma və ya rezidentura səviyyəsində (xüsusilə nefrologiya üzrə) təhsillərini davam etdirmək üçün zəruri baza biliklərini əldə etməyi təmin edir.