“Nefrologiya” fənni böyrəklərin quruluşunu, funksiyalarını, eləcə də böyrək xəstəliklərinin yaranma mexanizmlərini, klinik xüsusiyyətlərini və müalicə prinsiplərini öyrənir. Fənn orqanizmdə su-elektrolit və turşu-qələvi balansının qorunmasında böyrəklərin rolunu izah edir və böyrək patologiyalarının erkən aşkarlanması, profilaktikası və effektiv idarə olunmasına yönəlmiş biliklərin formalaşdırılmasına xidmət edir. Nefrologiya böyrək xəstəlikləri, onların ağırlaşmaları və uzunmüddətli nəticələri haqqında anlayışları əhatəli şəkildə izah və təhlil edir.

Fənnin müxtəlif aspektləri araşdırılmaqla yanaşı, əsas diqqət nefroloji xidmət sahəsində praktik bacarıqların tətbiqinə, klinik qərarvermə qabiliyyətinin formalaşdırılmasına və sübutlara əsaslanan tibbi yanaşmanın mənimsənilməsinə yönəldilmişdir. Bu fənn əhalinin sağlamlığının qorunması sahəsində fundamental biliklərin əldə edilməsi və səhiyyə sistemində gələcək peşəkar mütəxəssislərin hazırlanması məqsədilə tərtib edilmişdir.

Nefrologiya böyrək xəstəliklərini bioloji, klinik və sosial aspektlərdən araşdırır, onların yaranma səbəblərini müəyyən edir və bu səbəblərin qarşısının alınması yollarını ortaya qoyur. Fənn xroniki böyrək xəstəliklərinin inkişaf mərhələləri, dializ və transplantasiya kimi müalicə üsulları barədə geniş məlumat əldə etməyə imkan yaradır.

Yaz semestrində keçirilən fənlər

Payız semestrində keçirilən fənlər

Fənnin məqsədi: Nefrologiya fənninin tədrisində məqsəd 3-4-cü kurs tələbələrində klinik təfəkkürün inkişaf etdirilməsidir. Klinik təfəkkür ən çox yayılmış nozoloji variantların öyrənilməsi əsasında formalaşır, bundan sonra onların klinik gedişatının xüsusiyyətlərini öyrənmək üçün əsas və təlimat kimi istifadə ediləcəkdir. Bu da öz növbəsində tələbələrə müstəqil olaraq differensial diaqnostika aparmağa, klinik diaqnoz qoymağa, müalicəni təyin etməyə və ürək-damar sisteminin ümumi xəstəliklərinin qarşısının alınmasına imkan verəcək.

Fənnin təlim nəticəsi:

     1.Xəstəni ümumi dəyərlənidirərək,anamnezini ,şikayətlərini, xəstəlik tarixçəsini və həyat tarixini, fiziki müayinə məlumatlarını şərh etmək.İlkin və differensial diaqnozu müəyyənləşdirmək

1. Laboratoriya, biokimyəvi, instrumental və radioloji tədqiqatların nəticələrini qiymətləndirmək və onlardan xəstənin diaqnozunu, müalicəsini, proqnozunu və keyfiyyətinə nəzarəti əsaslandırmaq üçün istifadə etmək. Standarta uyğun və fərdi xüsusiyyətləri nəzərə alınmaqla böyrək xəstəsinin müalicəsini təyin etmək və əsaslandırmaq.
2. Kəskin hallar baş verən zaman,onları idarə etmək. Fəsadları tanımaq və ilk tibbi yardım göstərməyi bacarmaq.
3. Xroniki patologiyalar zamanı xəstələrə düzgün yanaşmanı bilmək, differensial diaqnostikanı aparmaq. Standarta uyğun və fərdi xüsusiyyətləri nəzərə alınmaqla böyrək xəstəsinin müalicəsini təyin etmək və əsaslandırmaq.
4. Patologiyalar zamanı profialktik tibbi yanaşmanı tətbiq edə bilmək. Böyrək   xəstəliklərinin müalicəsi üçün dərman vasitələrinin əsas qruplarını xarakterizə etməyi bacarmaq.

Fənnin məzmunu: Fənnmüddətində tələbələr stasionar şöbəsində və polikliniklarda müəllimin rəhbərliyi altında müalicə işi yerinə yetirirlər, kafedra müdirinin, professor və dosentlərin xəstələri  baxişinda iştirak edirlər. Bundan başqa muəlllim  tərəfindən xəstələrə baxiş keçirərkən mono- və  politematik araşdirmalar apararkən tələbələr iştirak edirlər.

      Mühazirələr və praktik dərslərdə göstərilən xəstələrin hərtərəfli klinik xüsusiyyətləri müasir əlavə müayinələrin (instrumental, laborator-biokimyəvi, endoskopik, funksional və morfoloji) nəticələrinin hərtərəfli araşdırılması və nümayiş etdirilməsi ilə müşayiət olunur. Daxili xəstəliklər fənni nəznində keçirilən  nefrologiya fənnin öyrənilməsi bütün ixtisaslardan olan həkimlər hazırlanması üçün birinci dərəcəli əhəmiyyət kəsb edir. Fənn əsas böyrək  xəstəliklərinin və sindromlarının etiopatogenezini, klinik gedişatının,böyrək patologiyası olan xəstələrin müalicə taktikasının seçimini öyrədir. Öyrənərkən kliniki düşünmənin əsasları,  həkimlik deontologiyasi formalaşır, xəstələrin müayinəsində vərdişlər qazanılır və adekvat müalicə təyin etmək bacarığı yaranır. Nefrologiya fənni təhsil proqramında mühüm rol oynayir. Daxili xəsstəliklərinin böyük bir bölümü olan böyrək patologiyaları haqqında tam məlumat etməklə yanaşı, tələbələr bir sonrakı kurslarda bu qrup  xəstəliklərin daxili  orqanların  və sistemlərin başqa patologiyaları ilə  differensiasiyaının aparmağı öyrənəcklər.Həmçinin   fənnin tədrisi bitdikdən sonra tələbələr  bu sahədə yiyələndiyi məlumatları nefrologiya ixtisası üzrə rezidenturaya qəbul olunduğu zaman istifadə edə biləcəklər.Bundan əlavə, yiyələndikləri bacarıq və biliklərdən öz gələcək həkimlik praktikasındada geniş istifadə edə biləcəklər.