Təhsil pilləsi:  Əsas (baza) subbakalavr

İxtisasın adı: Hərbi Feldşer işi

Tədris edilən fənnin növü: Məcburi

AKTS: 8 kredit

Fənnin məqsədi: Kursantlara Hərbi cərrahiyyə fənnini tədris etməkdə məqsəd nəzəri bilik və təcrübi vərdişlər əldə etməklə onları müharibə və sülh şəraitində cərrahi döyüş patologiyası ilə olan yaralıların diaqnostikası, tibbi yardımın təşkili və göstərilməsi məsələləri üzrə vəzifələrinin icrasına hazırlamaqdır.

Tədris olunan fənnin öyrənilməsi nəticəsində kursantların müasir döyüş əməliyyatlarının aparılma xüsusiyyətlərini nəzərə almaqla tibb elminin yeni nailiyyətləri əsasında müharibə dövründə yaralılara cərrahi yardımın göstərilməsinin təşkilini öyrənən bir elm kimi Hərbi  cərrahiyyənin inkişaf perspektivləri barəsində təsəvvürləri olmalıdır.

Fənnin təlim nəticəsi:

1. Döyüş əməliyyatları zamanı yaralılara göstərilən ilk tibbi, həkiməqədər, ilk həkim, ixtisaslı və ixtisaslaşdırılmış yardımının həcmini və məzmununu bilir
2. Müasir döyüş zədələnmələrinin, qapalı zədələnmələrin, çoxsaylı və müştərək travmaların, kombinəolunmuş radiasion və kimyəvi zədələnmələrin gedişi, diaqnostikası və göstərilən yardımın xüsusiyyətlərini bilir
3. Travmatik şok, USS, kəskin qanitirmə, yaralanmaların infeksion ağırlaşmalarının klinikası, diaqnostikası, və təxliyə mərhələlərində göstərilən yardımın prinsiplərini bilir
4. Müasir odlu silah yaralanmalarının, qapalı zədələnmələrin, müştətək və çoxsaylı travmaların, kombinəolunmuş radiasion və kimyəvi zədələnmələrin, travmatik şokun, USS-in, massiv qanitirmənin, yaralanmaların infeksion ağırlaşmalarının diaqnostikasını bacarır
5. Odlu silah yaralarının morfoloji xüsusiyyətlərini, mina partlayış travmalarının xüsusiyyətləri, qiymətləndirilməsi, ilkin yanaşma prinsiplərini (ABCDE) bacarır və tibbi təxliyyə mərhələlərində müalicə prinsiplərini mənimsəyir
6. Cərrahi döyüş travması olan yaralılara ilk tibbi, həkiməqədər yardımının göstərilməsini bacarır

Fənnin məzmunu

Hərbi  cərrahiyyə – hərbi təbabətin tərkib hissəsi və cərrahiyyənin bir sahəsi olub, sülh və müharibə dövründə yaralılara cərrahi yardımın göstərilməsinin təşkilini, müasir döyüş patologiyalarını, onların diaqnostikasını, klinikasını, müalicə metodlarını və döyüş əməliyyatlarının xarakterindən asılı olaraq yaralıların müalicəsinin xüsusiyyətlərini öyrənən elmdir. Fənn Hərbi Feldşer İşi İxtisası üçün Azərbaycan Tibb Universiteti tərəfindən məcburi fənn kimi təyin olunmuşdur. Kursantlara materialı öyrətməkdə məqsəd sülh və müharibə dövründə yaralı və xəstələrə göstərilən birinci səviyyəli yardımın elementlərini, yardım göstərən zaman əlaltı və standart tibbi vasitələrdən istifadə qaydalarını aşılamaqdır. Tədris dövründə kursantlar əldə etdikləri bacarıqları sülh və müharibə dövründə hərbi hissələrdə, eləcə də bütün xidmət dövründə yaralılara birinci səviyyəli yardım göstərən zaman istifadə edə biləcəklər.

Fənnin tədris formatı :Əyani