Hərbi epidemiologiya fənninin tədrisində epidemiologiyanın nəzəri və təcrübi əsasları açıq­lanmalı, epidemik proses, onun hərəkətverici qüvvələri, hərbi kollektivlərdə epidemik prosesin baş vermə xüsusiyyətləri izah edilməli, ayrı-ayrı infeksion xəstəliklərin epidemiologiyası və xəstəlik­lə­rin profilaktikası məsələləri işıqlandırılmalı, bakterial silahlar, onların indikasiyası və ocaqda aparı­lan tədbirlər silsiləsi kursantlara çatdırılmalıdır. Kursantlara yoluxucu xəstəlik ocaqlarında müstəqil araş­dırmalar aparmaq, müvafiq əksepidemik tədbirlər kompleksi işləyib hazırlamaq vərdişləri aşı­lan­malı, onlarda epidemioloji diaqnostika metodlarına istinad edərək çevik və retrospektiv təhlil yo­lu ilə adekvat mühakimələr yürütmək, nəticələr çıxarmaq vərdişləri yaradılmalıdır.

Praktiki mövzular keçirilərkən situasion məsələləri həll etmək məsləhət görülür. Təcrübi məş­ğə­lələr yarımtağım tədris qruplarında aparılır. Mühazirələrin elektron versiyaları kursantlara nü­mayiş etdirilib, öyrədilir. Tədris bazası kimi Sanitar Epidemioloji Nəzarət Mərkəzindən istifadə edilir.

Fənnin daha dərindən öyrənilməsi məqsədilə dərslər zamanı müxtəlif yazılı testlərdən, fron­tal sorğulardan, habelə multimedia vasitələrindən istifadə edilməsi məqsədəuyğundur.

Təhsil pilləsi:  Əsas baza ali tibb təhsili

İxtisasın adı: Hərbi Tibb

Fənnin məqsədi:

Hərbi epidemiologiya fənninin tədrisində məqsəd kursant və tələbələrə fənnin nəzəri və təcrübi əsaslarını çatdirmaq, epidemioloji diaqnostika üsullarını öyrətmək, dinc və müharibə şərai­tində profilaktik və əksepidemik tədbirlər kompleksinin işlənib hazırlanması və icrası barədə müfəs­səl məlumat vermək, əksepidemik təminatın qüvvə və vasitələri haqda biliklər çatdırmaqdır. 

Hərbi hissələrin dislokasiya rayonlarının epidemioloji və epizootoloji şəraiti diqqət mərkə­zin­də saxlanılmaqla, epidemik ocaqda rejim-məhdudlaşdırıcı tədbirlərin tətbiq qaydaları tədris prosesində geniş açıqlanır. Kursantlar hərbi feldşer üçün nəzərdə tutulmuş proqram həcmində qo­şun­larda əksepidemik və bakterioloji silahdan mühafizə tədbirlərini nəzəri, praktiki və təşkilati ba­xım­dan öyrənirlər.

Tədrisin gedişində qoşunların şəxsi heyəti arasında baş verib yayılan aktual yoluxucu xəstə­liklərin epidemioloji xüsusiyyətləri, diaqnostika üsulları, ocaqda əksepi­demik tədbirlərin təşkili me­to­dikası kursant və tələbələrə aşılanır, konkret epidemioloji şəraitin qiymətləndirilməsi meyar­la­rı, epidemioloji təhlil elementləri, proqnozlaşdırma üsulları öyrədilir. 

Fənnin təlim nəticəsi:

Tələbə bilməlidir:

• qoşunlarda epidemik prosesin inkişaf mexanizmi, təzahürləri, şəraiti və səbəblərini;
• qoşunların və dislokasiya (fəaliyyət) rayonunun sanitariya-epidemik vəziyyətinin qiymət­lən­dirilməsi meyarlarını;
• tibbi təxliyə mərhələlərində bioloji (bakterioloji) silahdan mühafizə tədbirlərini;
• qoşunlarda əksepidemik tədbirlərin aparılması

 Tələbə bacarmalıdır:

• hərbi hissənin və fəaliyyət (dislokasiya) rayonunun sanitariya-epidemik vəziyyətini qiy­mət­ləndirməyi;
• taborda bakterioloji silahdan mühafizə və əksepidemik tədbirləri işləyib hazırlamağı;
• bakterial vasitələrin indikasiyası üçün nümunələr götürməyi.
• qoşunlarda epidemik prosesin inkişaf mexanizmi, təzahürləri, şəraiti və səbəblərini;

Tələbə yiyələnməlidir:

• epidemik ocaqda araşdırma aparmaq, əksepidemik tədbirlər işləyib hazırlamaq bacarığına;
• yoluxucu xəstəliklərin diaqnostikası, ocaqda epidemioloji araşdırılma aparılması və xəstə­liklərin profilaktikası prinsiplərini.

Fənnin məzmunu:

Hərbi epidemiologiya üzrə tədrisin məqsədi kursantlara (tələbələrə) epidemiologiyadan nəzəri bilik və praktiki vərdişlərin aşılanması yolu ilə əksepidemik tədbirlər və bakterioloji silahdan mü­dafiə işinə tam yiyələnməsini təmin etməkdir.  Kursu bitirdikdən sonra məqsəd kursantlar ak­tu­al infeksion xəstəliklərin epidemik ocaqlarının məhdudlaşdırılması və ləğvi tədbirlərinin planlaşdırıl­ması və həyata keçirilməsini qazandırılmasıdır.