Yaz semestrində keçirilən fənlər

Hazırda elmin bütün sahələrində olduğu kimi, tibbin tədris sahəsində də müasir, təkmilləşmiş, daha səmərəli innovativ tədbirlərin həyata keçirilməsi preoritet məsələlərdən biridir. Tədris keyfiyyətinin daha da yaxşılaşdırılması, mənimsəmə, bilik və bacarıq göstəricilərinin artırılması, tədrisin müasir tələblər səviyyəsində təşkili metodik işlərin düzgün qurulmasından çox asılıdır. Bu baxımdan tədris proqramlarının yenilənməsi, innovativ tələblərə cavab verməsi vacib məsələlərdən biridir.

Yoluxucu xəstəliklər əhalinin xəstələrlə strukturasında əsas yerlərdən birini tutur. Praktik təbabətin bütün sahələrində çalışan mütəxəssislər tez-tez bu xəstəliklərə tutulmuş insanlarla rastlaşırlar. Yoluxucu xəstəliklərin başlanğıc dövrünün əlamətləri çox müxtəlif öldüğü üçün onları bəzən somatik, cərrahi və s. xəstəliklərindən fərqləndirmək xeyli çətinlik təşkil edir. Bu vəziyyət xəstələrə müalicə yardımını gecikdirməklə yanaşı epidemioloji təhlükə də törədə bilər.  Bununla yanaşı yoluxucu xəstəliklərin kliniki təzahürlərində, ağırlaşmalarında, müalicə, habelə müasir diaqnoz üsullarında yenilikləri də nəzərə alaraq, onların tədrisini müasir səviyyədə yüksəltmək üçün mövcud imkanları səfərbər etmək, nəzəri və praktiki bilikləri düzgün uzlaşdırmaq çox vacib vəzifələrdən biridir.

Təhsil pilləsi:  Bakalavriat (əsas baza ali tibb təhsili)

İxtisasın adı: İctimai Səhiyyə

Fənnin məqsədi: Tələbələr üçün mövzuya girişin verilməsi, fənnin predmeti və fənn haqqında geniş biliklərin tədris edilməsi, yoluxucu xəstəliklərin klinik xarakteristikası, müasir müayinə-müalicə  metodları, anamnezin toplanması xüsusiyyətləri haqqında mütərəqqi biliklərin aşılanması.

Fənnin təlim nəticəsi:

1. İnfeksion xəstəliklərin diaqnostikasında istifadə olunan mikrobioloji, biokimyəvi və instrumental diaqnostik metodları bilməli, müayinə metodlarını seçməyi və nəticələrini şərh etməyi bacarmalı.

2. Qızdırma, qıcolma, qusma və ishal olan hallarda xəstələrə yardım edə bilməli.

3. Antibiotik istifadəsinin ümumi prinsiplərini bacarmalı

4. Hava-damcı, mədə-bağısaq, transmissiv, dəri və genital sistemlərin infeksiyalarının diaqnozunu qoymalı, müalicə etməyi bacarmalı.

5. İnfeksion xəstəliklərin diferensial diaqnoztikasını aparmağı bacarmalı.

6. İnfeksion xəstəliklər zamanı xəstənin müalicə planını qurmağı, bu plana aəsasən resept yazmağı bacarımalı.

7. Xəstəliyin ümumi və spesifik profilaktikasını, infeksion xəstəliyin yayılmasının qarşısının alınması tədbirlərini bacarmalıdır.

Fənnin məzmunu

1. Yoluxucu xəstəliklər, onların klinik-epdemioloji xarakteristikası, müayinə-müalicə metodları, spesifik və qeyri-spesifik profilaktik tədbirlərinin aşılanması
2. Fənnin modernizasiyası üzrə müasir elmi-praktik kosepsiyalarının aşılanması, dünya təcrübəsinin əsas məqamlarının şərh edilməsi, müasir yerli və xarici elmi-praktik tibbi mətbuatda əksini tapan yeni nəzəri-praktik nəticələr haqqında ətraflı biliklərin aşılanması.
3. Yoluxucu xəstəliklər üzrə nəzəri və praktik biliklərin əldə edilməsi, öyrənilən biliklərin klinik praktikada tətbiq etməsinin aşılanması
4. Epidemiyalar və pandemiyalar zamanı yoluxucu xəstəliklərdən qorunma yollarını bilməli, yoluxmuş insanlara yardım göstərməli və ilkin müalicə tədbirlərinin aparmasının aşılanması.
5. Fənni öyrənməklə dərin tibbi biliklərə yiyələnməklə tibb müəssisələrində bilik və bacarıqlarını aşılamalı 
6. Fənni öyrənməkdə məksəd ölkə və xaricdə müasir tibb müəssisələrində çalışmaq.
7. Xəstəliyin ümumi və spesifik profilaktikasını, infeksion xəstəliyin yayılmasının qarşısının alınması tədbirlərini bacarmalıdır.