ATU-nun Tədris Terapevtik Klinikasının nefroloqu Beynəlxalq Nefroloqlar Təşkilatının keçirdiyi müsabiqədə qalib olub

Azərbaycan Tibb Universitetinin (ATU) Tədris Terapevtik Klinikasının Terapevtik ve pediatrik propodevtika kafedrasının dissertantı, Efferent Terapiya Mərkəzinin həkim nefroloqu Elgün Həziyev Beynəlxalq Nefroloqlar Təşkilatının ( İSN ) keçirdiyi müsabiqədə iştirak edib.

Gənc alimin təklif etdiyi “Reanimasiya və İntensiv Terapiya şöbəsində müalicə alan xəstələrdə Kəskin Böyrək Zədələnməsinin müalicəsində Davamedici Veno Venoz Hemofiltrasiya ( CVVHDF )” adlı araşdırma işi müsabiqədə qalib olub.

E. Həziyev elmi araşdırmanı davam etdirmək üçün Türkiyə Cumhuriyyəti Bezmialem Vakıf Universitetindən dəvət alıb. Universitet gənc alimə 12 ay müddətində 7 müxtəlif profilli reanimasiyada işləmək və araşdırma bazası toplamaq hüququ verib.