Əvvəlcə 20 Yanvar şəhidlərinin xatirəsi bir dəqiqəlik sükutla yad edilib.

Anım tədbirində çıxış edən professor Fəxrəddin Məmmədov 20 Yanvar faciəsinə gətirib çıxaran bu hadisələrin SSRİ rəhbərliyinin  ssenarisi üzrə baş tutduğunu, milli azadlıq hərəkatını boğmaq və xalqın milli qürurunu sındırmaq məqsədi güddüyünü diqqətə çatdırıb. 

Kafedranın dosenti Cavanşir Sadıqov, fakültə həmkarlar təşkilatını sədri, dosent Yavər Vəliyev və digər çıxışçılar da hələ həllini tapmayan Dağlıq Qarabağ problemindən söz açaraq, o zaman sovet qoşunlarının Bakıya qanunsuz, qərəzli yeridilməsini, beynəlxalq hüquq normalarını pozaraq vəhşiliklə cinayət törətməsini pisləyiblər. Baş vermiş faciənin təfərrüatlarını müzakirə edərək Azərbaycan xalqına dəyən maddi və mənəvi zərərdən danışıblar. 

Əlləri xalqımızın qanına batmış Mixail Qorbaçov, Dmitri Yazov, Bokatin və digərlərinin XX əsrin ən böyük faciəsinə görə müqəssir olduqları xüsusi vurğulanıb.