• 26/09/2018 00:00

ATU-nun Tədris Terapevtik Klinikasında “Dünya Ağciyər Günü”nə həsr edilmiş simpozium keçirilib. Simpoziumu Respublikanın baş allerqoloqu, professor Cəbrayıl Məmmədov açaraq ağciyər və tənəffüs yolarında yaranan xəstəliklərin dünyada geniş yayıldığını qeyd edib. Bu barədə tədbir iştirakçılarına ətraflı məlumat vermək üçün sözü professor Əlizamin Sadıqova verib.

Ə.Sadıqov “Hospitaldaxili və ventilyator assosasiya olunanpnevmoniyaların müalicəsinə yeni yanaşma” mövzusunda məruzə ilə çıxış edib. Bildirib ki, hazırda dünyada pnevmaniyadan 450 milyona yaxın şəxs əziyyət çəkir və 4 milyon insan adıçəkilən xəstəlikdən dünyasını dəyişibdir. Professor dünya praktikasında son illər xəstəliyin müayinə üsullarından söhbət açaraq, Avropada və ölkəmizdə xəstəliyin diaqnostikası, aşkarlanması, yeni müalicə üsullarına toxunub və xəstəliklə mübarizə aparılması yollarını iştirakçıların diqqətinə çatdırıbdır. Pnevmoniyaların müalicəsində yeni yanaşmalarla bağlı söylənilən fikirlər tədbir iştirakçıları tərəfindən maraqla qarşılanıb.