“YÜKSƏL” layihəsi çərçivəsində mühazirə dinlənilib

Bu günlərdə Bakı Kitab Mərkəzində Dövlət Sərhəd Xidmətinin hərbi hospitalının baş həkimi, tibb elmləri doktoru, polkovnik Kənan Yusifzadənin tələbələr arasında səmimi görüşü baş tutub. Görüşdə ATU-nun tələbələri də iştirak edib.

Görüşdə K.Yusifzadə "Mədə-bağırsaq sağlamlığı; necə, nə vaxt, nə qədər?"mövzusunda mühazirə oxuyub. Mühazirə Bakı Kitab Mərkəzinin tələbələr və gənclər üçün yeni “YÜKSƏL” təhsil layihəsinin tərkib hissəsidir.

Qeyd edək ki, “YÜKSƏL” layihəsinin əsas məqsədi Bakı Kitab Mərkəzində müxtəlif sahələr üzrə mütəxəssislərin iştirakı ilə sistematik mühazirələr və seminarlar təşkil etməklə gənclərin intellektual səviyyəsini genişləndirmək, dünyagörüşlərini və bilik səviyyələrini artırmaqdır.