• 15/05/2024 10:54

Müasir dövrdə gender bərabərliyinin təmin olunması dünyanın bir çox ölkələrində aktualdır. Qadınlara qarşı zorakılıq, o cümlədən məişət zorakılığı ilə mübarizə qadın və uşaqların hüquqlarının təmin edilməsini prioritet sayan dövlətlərin bu gün həll etməyə çalışdığı əsas problemlərdən biridir. Bu gün də dünyanın hər yerində qadın hüquqlarının təminatı uğrunda hərəkat genişlənib. Azərbaycan Tibb Universitetində də bu cür maarifləndirmə tədbirlərinə daim önəm verilib.

Tədbirdə çıxış edən, ATU-nun Tərbiyə işləri üzrə prorektoru Zülfüqar Musabəyov, Azərbaycanda gender siyasətinin müasir dövrün tələblərinə uyğun həyata keçirilməsinin hüquqi əsasını məhz Heydər Əliyevin təşəbbüsü və birbaşa rəhbərliyi altında 1995-ci il noyabrın 12-də qəbul olunmuş müstəqil Azərbaycanın Konstitusiyası təşkil etdiyini qeyd edib: “Əsas Qanunda gender məsələsi ilə bağlı bütün problemlərin qanunvericilik və hüquq tətbiqi səviyyəsində qarşısının alınması üçün zəruri hüquqi baza mövcuddur”. 

Tədbirdə ATU-nun müəllimləri və tanınımış ekspertlər çıxış edərək, tələbələrə gender bərabərliyinin önəmindən bəhs ediblər.