THİK rəhbərliyi ilə I kurs tələbələri arasında görüş keçirilib

Tələbə Həmkarlar İttifaqı Komitəsi (THİK) tərəfindən I kurs tələbələri ilə görüş keçirilib. THİK sədri Qoşqar İsmayılov tələbələri yeni tədris ili münasibətilə təbrik edərək, onlara universitetimizin strukturu, rektor, professor Gəray Gəraybəylinin tələbələrimizə və THIK komandasına dəstəyindən danışıb.
Q.İsmayılov, eyni zamanda komitənin fəaliyyəti və planları, təhsil-tədris prosesi, müəllimlərlə münasibət, yataqxanalardakı şərait, daxili nizam-intizam qaydaları və s. mövzularda ətraflı məlumat verib.
THİK sədr müavini Zivər Hüseynova təşkilatın uğurları haqqında geniş məlumatı tədbir iştirakçılarının nəzərinə çatdırıb.
Daha sonra fakültələr üzrə sədrlər Gülay Novruzova (MPF-1), Aytac Şükürlü (MPF-2), Məryəm Kərimli (Stomatologiya), Solmaz Hüseynova (İctimai səhiyyə), Məhəmməd Nəzərli (Əczaçılıq), Zəki Musayev (Hərbi tibb) çıxış edərək tələbələrimizə zəruri məlumatlar veriblər.
Tədbirdə “Həyat” teatr klubunun sədri Fidan Əsədli, İntellektual oyunlar klubunun sədri Arzu Musayeva, Yaradıcılıq klubunun sədri Sənan Quliyev, Kitab klubunun sədri Rüfət Həsənli, Debat klubunun sədri Aytac Yüzbəyova, Rəsm klubunun sədri Reyhan Nəsibli, Şəxsi inkişaf və psixoloji təlimlər klubunun sədri Nəriman İskəndərov, VOİS klubunun sədri Faysal Badawi, Kiberidman klubunun sədri Bəhruz Abasov çıxış edərək, klubların fəaliyyəti, görülən işlər və gələcək layihələrdən bəhs ediblər.