• 27/09/2024 11:06

Azərbaycan Tibb Universiteti daha bir beynəlxalq tədbirdə uğurla təmsil olunub. ATU-nun əməkdaşı, dosent Nigar Sultanova Avropa Antropoloqlar Assosiasiyasının 23-cü konfransında  məruzə ilə çıxış edib.

Xorvatiyanın paytaxtı  Zaqreb şəhərində keçirilən konfransda  dünyanın müxtəlif ölkələrindən olan elm adamları, həkim-genetiklər, antropoloqlar  iştirak ediblər. Tədbirin açılışında  ABŞ-ın Pensilvaniya Universiteti və Nyu Heven Universitetlərinin professor, dünyanın  ən çox istinad edilən alimləri sırasında olan Draqan Primorac məruzə ilə çıxış edib.  

Konfransda dosent N.Sultanova "Three - dimensional database of facial anthropometric parameters of Azerbaijan population" mövzusunda doktorluq elmi işinin nəticələrini təqdim edib. ATU-nun əməkdaşı məruzəsində Azərbaycanın işğaldan azad edilmiş ərazilərində aparılan qazıntılar zamanı I Qarabağ müharibəsi zamanı itkin düşmüş hərbçilərin və mülki şəxslərin qalıqlarının tapılmasına dair məlumatı da çatdırıb.