Ondokuz Mayis Universitetinin müəllimi ATU tələbələrinə dərs keçib

Türkiyənin Ondokuz Mayis Universitetinin Sağlık Bilimləri fakültəsinin müəllimi, dosent Nilay Çömük Balci 23 -27 sentyabr tarixlərində Azərbaycan Tibb Universitetinin tələbələrinə dərs keçib.

Dr. Nilay Çömük Balcı bir həftə ərzində Fizioterapiya və tibbi reabilitasiya kafedrasında eyniadlı ixtisas üzrə tələbələrə praktik məşğələ və mühazirələr keçirib.

Qeyd edək ki, Türkiyədən olan müəllim “Erasmus mobillik proqramı” çərçivəsində ATU-da dərs keçib. Kursu sonunda ATU-nun Beynəlxalq Əlaqələr şöbəsinin müdiri, dosent Müşfiq Orucov və müdir müavini, dosent Nigar Ələkbərova tərəfindən dr. Nilay Çömük Balcıya sertifikat təqdim olunub.