• 24/10/2024 10:08

Qahirə şəhəri Badr Universitetinin Prezidenti, Professor Dr. Ashraf M.El Shihy və Beynəlxalq əlaqələr üzrə prezident müşaviri, Professor Hanan Mounib Azərbaycan Tibb Universitetində qonaq olublar.

Qonaqlarla görüşdə salamlama nitqi ilə çıxış edən rektor, professor Gəray Gəraybəyli onlara Azərbaycan Tibb Universitetinin yaradılması tarixi, keçdiyi inkişaf yolu, müasir dövrdə ölkəmizdə və dünya təhsil aləmində tutduğu yer haqqında ətraflı məlumat verib. Elmi tədqiqatlar sahəsində əldə olunan nailiyyətlərdən danışan rektor G.Gəraybəyli universitet əməkdaşlarının araşdırmalarının dünya nüfuzlu elmi jurnallarda dərc olunduğunu, ali təhsil ocağının beynəlxalq əlaqələrinin ildən-ilə genişləndiyini bildirib. Həmçinin, ATU-nun dünyanın aparıcı tibbi-elmi qurumları ilə əməkdaşlığının yüksəlməsinə böyük diqqət verildiyi də qeyd edib. 

Badr Universitetinin Prezidenti, Professor Dr. Ashraf M.El Shihy dəvət üçün təşəkkürünü bildirərək rəhbərlik etdiyi təhsil ocağı haqqında məlumat verərək burada 16 min tələbənin beynəlxalq standartlara əsasında təhsil aldığını bildirib. Qurumun qazandığı uğurlardan bəhs edən rektor Ashraf M.El Shihy Badr Universitetinin də digər ölkələrin elmi ocaqları ilə əməkdaşlığı gücləndirmək niyyətində olduğunu, bu baxımdan ATU-nun fəaliyyətinin böyük maraq izlədiklərini vurğulayıb. 

Daha sonra tərəflər gələcək əməkdaşlığın perspektivləri və ortaq layihələrlə bağlı müzakirə aparıblar.