• 17/09/2025 15:37

Erasmus+ KA171 Proqramı üzrə Doktorantlar üçün Təcrübə (Traineeship) Mobilliyi elan olunur

Azərbaycan Tibb Universiteti və Afyonkarahisar Sağlamlıq Elmləri Universiteti (AFSU) arasında imzalanmış Erasmus+ KA171 İkili Müqavilə çərçivəsində 2024/2025-ci tədris ili üçün doktorantlar üçün qısamüddətli təcrübə (traineeship) mobilliyi elan olunur.

Mübadilə proqramı üçün namizədlərə qoyulan tələblər:

• CV (İngilis dilində, Europass formatı tövsiyə olunur)
• Motivasiya məktubu
• Doktorant statusunu təsdiq edən arayış və transkript
• İngilis dili sertifikatı (B1)
• Elmi rəhbərin tövsiyə məktubu
• Yerləşmə formu (formu qoşmada əlavə edirik)
• Paportun surəti

Mobillik imkanları

• Proqram yalnız 1 doktorant üçün nəzərdə tutulur.
• Təcrübə müddəti və tarixləri ayrılmış büdcə çərçivəsində müəyyən ediləcək.
• Təcrübə müvafiq fakültələr və ixtisas sahələrinə uyğun olaraq aparılacaq.

Mobillik barədə ümumi məlumat

• Bu proqram üzrə müəyyən edilmiş müddət: 9 gün
• Mobillik dövrü: dəqiq tarixlər qəbul edən universitet tərəfindən təsdiqlənəcək.
• Mobillik yalnız həftə içi günlərində başlamalı və bitməlidir.

İştirak edə biləcək sahələr (ISCED kodları üzrə)

1. 0911 – Stomatologiya:
2. 0912 – Tibb
3. 0915 – Fizioterapiya və Reabilitasiya
4. 0916 – Əczaçılıq

Maliyyə dəstəyi

• Qısamüddətli doktorant mobilliyi üçün gündəlik məbləğ:
• Bu proqram üzrə 9 günlük təcrübə: 711 €
• Bakı – Afyonkarahisar məsafəsi (500–1999 km): 309 €
• Əlilliyi olan tələbələr üçün əlavə qrant dəstəyi: 100 €

Ümumi qrant məbləği: 1020 €

Mübadilə proqramına müraciət etmək istəyən doktorantlar payız tələb olunan sənədləri 23 sentyabr  2025-ci il tarixinədək Beynəlxalq Əlaqələr Şöbəsinin [email protected]  elektron ünvanına göndərərk qeydiyyatdan keçə bilərlər.

ATU-nun Beynəlxalq əlaqələr şöbəsi