• 14/10/2025 16:20

 Əziz Azərbaycan Tibb Universitetinin tələbələri!

Azərbaycan Tibb Universitetinin Tələbə Elmi Cəmiyyəti və  Tələbə Həmkarlar İttifaqı Komitəsi Zəfər Gününə həsr olunmuş yaradıcılıq müsabiqəsi elan edir!

Bu müsabiqənin məqsədi tələbələrin yaradıcılıq bacarıqlarını nümayiş etdirmək, elmi düşüncəni, vətənpərvərlik və zəfər ruhunu sənət vasitəsilə ifadə etməkdir.
Tələbələr aşağıdakı formada öz əl işlərini təqdim edə bilərlər:

• Rəsm 
• Heykəl və ya fiqur
• Əl sənətləri və dekorativ əl işləri
• Təbii materiallardan kompozisiyalar (çiçək və bitki kompozisiyaları, mozaika, əl düzümü bəzəklər və s.)

Mövzular (sərbəst seçimlidir, lakin aşağıdakılar tövsiyə olunur):

• * Elmi mövzular: tibb, həkimlik, şəfa,insan orqanizmin quruluşu,  sağlamlıq ilə bağlı ideyalar
• * Zəfər və qəhrəmanlıq: xalqımızın mübarizə ruhu və qələbə motivləri
• * Vətən sevgisi: doğma torpağa, xalqa və mədəniyyətə sevgi
• * Sülh və birlik: həmrəylik, mərhəmət və bəşəri dəyərlər
• * Ümid və gələcəyə baxış: gəncliyin arzuları, inkişaf və yenilik ideyaları

Son təqdimetmə tarixi:  01.11.2025-ci il

İşlər inzibati binanın (-1) mərtəbəsində Tələbə Həmkarlar İttifaqı Komitəsinin otağnda   saat 14.00-18.00 kimi qəbul olunur
Müsabiqənin keçirildiyi məkan və vaxt: 6-7 noyabr 2025- ci il (5 saylı tədris binasının 2-ci mərtəbəsi)

Ən gözəl və yaradıcı əl işləri qalib elan ediləcək və müəlliflər mükafatlandırılacaqlar!

Gəlin, Zəfər Gününü öz yaradıcılığımız, elmi baxışımız və əllərimizin zəhməti ilə qeyd edək!