Azərbaycan Respublikası Səhiyyə Nazirliyinin dəstəyi və Nazirliyin 2 nömrəli Bakı Baza Tibb Kollecinin təşkilatçılığı ilə 27 noyabr 2025-ci il tarixində Bakıda Türk Dövlətləri Təşkilatına üzv ölkələrin tibb bacılığı və mamalıq sahələri üzrə I Beynəlxalq Elmi-Praktik Konfransı keçirilib.

Tədbirdə Azərbaycan Tibb Universitetinin (ATU) Ailə təbabəti kafedrasının assistenti Mədinə Hacıyeva “Azərbaycanda bakalavriat səviyyəsində tibb bacısı təhsili” mövzusunda məruzə ilə çıxış edib.

Həmçinin, İctimai səhiyyə fakültəsinin dekan müavini Nailə Məmmədova və İctimai sağlamlıq və səhiyyənin təşkili kafedrasının assistenti Samirə Mirhadi konfransda iştirakçı qismində ATU-nu təmsil ediblər.