13 iyun tarixi 2014-cü ildə BMT Baş Assambleyası tərəfindən Beynəlxalq Albinizm Haqqında Məlumatın Yayılması Günü kimi təsis edilib və 2015-ci ildən etibarən hər il qeyd olunur.

Bu günün məqsədi albinizm haqqında məlumatlılığı artırmaq, cəmiyyətdə mövcud olan yanlış təsəvvürlərin aradan qaldırılmasına və albinizmi olan şəxslərin hüquqlarının qorunmasına diqqət çəkməkdir.

Albinizmi olan insanlar bəzən ayrı-seçkilik və sosial təcridlə üzləşirlər. Buna görə də onların bərabər hüquqlara, təhsil və səhiyyə xidmətlərinə çıxışının təmin olunması mühüm əhəmiyyət daşıyır.

Beynəlxalq Albinizm Haqqında Məlumatın Yayılması Günü hər kəsi tolerantlıq, anlayış və inklüziv cəmiyyətin təşviqinə dəstək verməyə çağırır.