Mövzunun adı:  Tibbi-bioloji sistemlərin fiziki, riyazi, bioloji və süni intellekt üsulları ilə çoxsəviyyəli analizi və modelləşdirilməsi

Mövzunun aktuallığı:

Müasir biotibbi elmlərin inkişafı canlı sistemlərin fiziki, riyazi və informasiya baxımından inteqrasiyalı şəkildə öyrənilməsini tələb edir. Tibbi-bioloji proseslərin çoxsəviyyəli (molekulyar, hüceyrə, orqan və orqanizm səviyyəsində) analizi, süni intellekt və nanotexnologiyaların tətbiqi bu sistemlərin fəaliyyət mexanizmlərini daha dərindən anlamağa imkan yaradır. Bu yanaşma biotibbi diaqnostika, müalicə və profilaktikanın keyfiyyətinin yüksəldilməsində, həmçinin yeni biomaterialların və texnoloji həllərin yaradılmasında mühüm rol oynayır.

Məqsədi:

Tibbi və bioloji sistemlərin fəaliyyət qanunauyğunluqlarını öyrənmək, bu sistemləri fiziki, riyazi, bioloji və süni intellekt metodları ilə modelləşdirmək və alınan nəticələr əsasında tətbiqi texnologiyalar (proqnostik, diaqnostik və idarəedici modellər) işləyib hazırlamaq.

Elmi yenilik dərəcəsi:

-Süni intellekt, riyazi modelləşdirmə və biofiziki analiz metodlarının inteqrasiyası ilə tibbi-bioloji sistemlərin kompleks tədqiqi;

-Nanotexnoloji yanaşmaların biomolekulyar səviyyədə modelləşdirməyə tətbiqi;

-Tibbi məlumatların analizi üçün yeni alqoritmik və statistik modellərin işlənməsi;

-Bioloji proseslərin çoxsəviyyəli modelləşdirilməsi üçün universal metodoloji çərçivənin yaradılması.

Tətbiq sahəsi

• Tibbi-bioloji tədqiqat laboratoriyaları və elmi mərkəzlər
• Klinik diaqnostika və biotexnoloji müəssisələr
• Tədris və elmi araşdırma institutları
• Süni intellekt və məlumat analitikası üzrə tətbiqi proqram mühəndisliyi sahələri.

Səmərəlilik:

• Alınan elmi nəticələrin beynəlxalq bazalarda indekslənən jurnallarda dərc olunması;
• Yeni tətbiqi texnologiyaların yaradılması və patentləşdirilməsi imkanı;
• Kafedranın elmi potensialının və beynəlxalq əməkdaşlıq imkanlarının genişlənməsi
• Elmi nəticələrin tədris proqramlarına inteqrasiyası vasitəsilə tədrisin keyfiyyətinin yüksəldilməsi.