Tibbi-statistika proqramını mənimsədikdən sonra rezident:

Bilməlidir:

1. Hər hansı tibbi və ya bioloji prosesə obyekt kimi baxmaq olar.
2. Obyektlər riyazi qanunların köməyi ilə modelləşdirilə bilər.
3. Obyektin kəmiyyət və keyfiyyət xarakteristikaları arasında qarşılıqlı birqiymətlı uyğunluq yaratmaq olar.
4. Obyektlərin xarakteristikaları müəyyən intervalda variasiya dəyişkənliyinə uğraya bilər.
5. Variasiya sıralarında qanunauyğunluqlar riyazi statistika metodları tərəfindən öyrənilir.
6. Tibbi və bioloji obyektlərin variasiya sıralarının əksəriyyəti normal və ya digər paylanma qanunlarına tabe olur. 
7. Öyrənilən obyekt hər hansı böyük obyektin (baş yığımın) bir hissəsidir (seçməsidir) və bu obyektin dəyişməsi əsasında baş yığım haqqında mənzərə yaratmaq olar.
8. Parametrik və qeyri-parametrik statistik analiz üsulları mövcuddur.
9. Obyektin vəziyyətinin qiymətləndirilməsi statistik dürüstlüklə müşayiət olunmalıdır.
10. Statistik analizin aparılması üçün xüsusi proqram paketləri mövcuddur ki, bu paketlərdən düzgün istifadə qoyulmuş məsələnin həllini asanlaşdırır. 

Bacarmalıdır:

1. Obyektin kəmiyyət və keyfiyyət xarakteristikalarını ifadə etmək.
2. Obyektin vəziyyətini qiymətləndirmək.
3. Obyektin xarakteristikalarını cədvəl şəklində təsvir etmək.
4. Variasiya sıralarını tərtib etmək.
5. Variasiya sıralarının statistik parametrlərini hesablamaq.
6. I və II növ xətaları ayırd etmək.
7. Baş yığımdan seçmə yığımları təşkil etmək. Seçmə yığımın minimal sayının müəyyənləşdirilmək.
8. Statistik hipotezin verilməsi və tədqiqat nəticəsində bu hipotezi qəbul və ya inkar etmək.
9. Variasiya və ya ranqlı analiz aparmaq.
10. Korrelyasiya analizinin köməyi ilə asılı kəmiyyətləri aşkar etmək.
11. Reqressiya analizinin köməyi ilə asılı kəmiyyətlər arasında riyazi qanunauyğunluğu düsturlarla ifadə etmək.
12. Diskriminant analizinin köməyi ilə testləri qiymətləndirmək.
13. Dispersiya analizinin köməyi ilə obyektə təsir edən faktorları analiz etmək.
14. Klaster analizinin köməyi ilə obyektləri qruplaşdırmaq.

Alınmış nəticələri əyaniləşdirmək məqsədi ilə cədvəllər, diaqramlar, qrafiklər qurmaq.