Uşaq stomatologiyası kafedrasının fəaliyyətinin inkişaf strateqiyasına   aşağıdakılar daxildir:

• Uşaq stomatologiyası üzrə tədris-metodiki işlərin yüksək elmi və pedaqoji səviyyədə təşkili və həyata keçirilməsi;
• Kafedranın profili üzrə (uşaq stomatologiyası,stomatoloji xəstəliklərin profilaktikası) elmi-tədqiqat işlərinin aparılması;
• Uşaq stomatologiyası sahəsində elmi-pedaqoji və elmi kadrların hazırlanması;
• Bakalavr pilləsində təhsil alan stomatologiya fakültəsinin tələbələrinin uşaq stomatologiyası üzrə nəzəri və praktik hazırlığının təmin edilməsi;
• Rezidentura pilləsində təhsil alan həkim-rezidentlərin uşaq stomatologiyası üzrə ixtisaslı hazırlanması;
• Doktorantura pilləsində təhsil alan doktorantların uşaq stomatologiyasının aktual elmi problemləri üzrə hazırlanması.

Tədris-metodiki işlər üzrə əsas istiqamətlər

Tədrisin məzmunu və təşkili sahəsində

• Müasir bilik, bacarıq və peşə səriştələrinə malik uşaq stomatoloqlarının hazırlanmasını təmin etmək məqsədilə tədrisin müasir təhsil standartlarına uyğun təşkili;
• Uşaqlarda stomatoloji xəstəliklərin profilaktikası, erkən diaqnostikası və müalicəsinə dair nəzəri bilik və praktik vərdişlərin artırılması;
• Dünyanın qabaqcıl stomatoloji ali təhsil müəssisələrinin təcrübəsinə əsaslanaraq uşaq stomatologiyası üzrə təhsil proqramlarının və səriştələrin qiymətləndirilməsi sistemlərinin hazırlanması;
• Uşaq stomatologiyası üzrə elektron tədris materiallarının, klinik protokolların və multimedia resurslarının hazırlanması və mütəmadi yenilənməsi;
• Bakalavr və rezidentura pillələri üçün uşaq stomatologiyası üzrə azərbaycan və ingilis dillərində dərsliklərin, dərs vəsaitlərinin və metodik tövsiyələrin hazırlanması və nəşri.

Professor-müəllim heyətinin inkişafı sahəsində

• Uşaq stomatologiyası kafedrasının professor-müəllim heyətinin müasir pedaqoji və klinik təlim texnologiyalarına uyğun olaraq peşəkar bacarıqlarının təkmilləşdirilməsi;
• Professor-müəllim heyətinin xarici dil, xüsusilə ingilis dili üzrə elmi və peşəkar kommunikasiya bacarıqlarının artırılması;
• Uşaq stomatologiyasında istifadə olunan müasir simulyasiya, klinik ssenari və praktik yönümlü təlim üsullarının öyrənilməsi və tətbiqi;
• Tədris prosesində rəqəmsal stomatologiya, kompüter texnologiyaları və virtual təlim vasitələrindən istifadənin genişləndirilməsi;
• Uşaq stomatologiyası üzrə ixtisaslaşmış ədəbiyyatla təmin olunmuş kafedra kitabxanasının yaradılması və zənginləşdirilməsi.

Tədris prosesinin keyfiyyətinin artırılması sahəsində

• Tələbə və rezidentlərin bilik və bacarıqlarının obyektiv qiymətləndirilməsi üçün test, OSCE və digər qiymətləndirmə alətlərinin təkmilləşdirilməsi;
• Tədris prosesində problem əsaslı öyrənmə (PBL) və klinik vəziyyətlərə əsaslanan təlim metodlarının tətbiqi;
• Rezidentlərin elmi-tədqiqat mövzularının uşaq stomatologiyasının aktual problemlərinə və ixtisas profilinə uyğun seçilməsi;
• Tələbələrin uşaqlarla etik davranış, psixoloji yanaşma, milli-mənəvi dəyərlər və vətənpərvərlik ruhunda formalaşdırılması istiqamətində məqsədyönlü tədbirlərin həyata keçirilməsi.

Uşaq stomatologiyası kafedrasında elmi-tədqiqat işi üzrə istiqamətlər

1. Uşaq stomatologiyasının aktual və prioritet istiqamətləri üzrə elmi-tədqiqat işlərinin planlaşdırılması və icrası;
2. Uşaq stomatologiyası sahəsində beynəlxalq qrant layihələrində iştirak məqsədilə Avropa və Asiyanın qabaqcıl tibb universitetləri və elmi-tədqiqat institutları ilə əməkdaşlıq əlaqələrinin qurulması;
3. Kafedra əməkdaşlarının elmi işlərinin beynəlxalq indeksləşdirilmiş jurnallarda dərcinin təşviqi;
4. Beynəlxalq və milli elmi konfrans, simpozium və seminarlarında sözlü və poster təqdimatlarının artırılması;
5. Professor-müəllim heyətinin və gənc tədqiqatçıların ixtisasartırma və təkmilləşdirmə kurslarında iştirakının təmin edilməsi.

Maddi-texniki bazanın inkişafı üzrə istiqamətlər

• Kafedranın balansında olan dərs otaqları, klinik təlim otaqları və mühazirə zallarının müasir tələblərə uyğun, yüksək keyfiyyətli işlək vəziyyətdə saxlanılması;
• Uşaq stomatologiyasında istifadə olunan mənəvi və fiziki cəhətdən köhnəlmiş stomatoloji avadanlıqların müasir cihazlarla əvəz edilməsi;
• Tədris və elmi-tədqiqat fəaliyyətinin dəstəklənməsi məqsədilə lisenziyalı stomatoloji proqram təminatlarının tətbiqi və yenilənməsi;
• Kafedrada kompüter və rəqəmsal texnologiyaların sayının və keyfiyyətinin artırılması;
• Tələbələrin və rezidentlərin tədrisi üçün optimal gigiyenik şəraitin yaradılması və ixtisaslaşmış ədəbiyyatla təmin olunmuş kitabxananın formalaşdırılması.