Bioqrafiya

Kərimova Sevinç Nadir qızı 1997-ci ildə N.Nərimanov adına Azərbaycan Tibb Universitetinin II müalicə-profilaktika fakültəsinə daxil olmuş və 2003-cü ildə universiteti “fərqlənmə” diplomu ilə başa vurmuşdur. 2003–2004-cü illərdə A.Abbasov adına Onkoloji Dispanserdə həkim-intern, 2004–2007-ci illərdə isə həmin Dispanserdə onkoloq vəzifəsində çalışmışdır. 2007–2010-cu illərdə Azərbaycan Tibb Universitetinin Onkologiya Klinikasında həkim-onkoloq kimi fəaliyyət göstərmişdir.
2010-cu ildə Mamaluq-Ginekologiya kafedrasında baş laborant, 2013-cü ildən isə assistent vəzifəsinə seçilmişdir. 2012-ci ildə “Uzunmüddətli  sonsuzluğu olan cütlüklərdə fertilliyin  bərpasında ekstrakorporal mayalanma metodunun klinik əhəmiyyəti” mövzusunda namizədlik dissertasiyasını uğurla müdafiə etmişdir.
Kafedrada işlədiyi müddət ərzində S.N.Kərimova özünü intizamlı, işgüzar, məsuliyyətli və kollektivdə yüksək nüfuza malik əməkdaş kimi göstərmişdir. O, tələbələrə qarşı qayğıkeş münasibəti, dərslərin müasir səviyyədə aparılması və elmi biliklərin tədrisi ilə seçilmişdir. Praktik həkim kimi o, eyni zamanda mamalıq və ginekologiya fənni üzrə praktik dərslərin aparılmasında fəal iştirak edir. Müalicə və profilaktika işlərinə, xəstələrin vəziyyətinə fərdi və diqqətli yanaşması ilə fərqlənir. Onun keçirdiyi dərslər tələbələr tərəfindən yüksək qiymətləndirilir.
Hal-hazırda S.N. Kərimova “Sonsuzluq probleminin  diaqnostika və müalicəsinin təkmilləşdirilməsi yolları; reproduktiv  texnologiyaların tətbiqinə göstərişlər” mövzusunda doktorluq dissertasiyası üzərində işləyir.
O, doğum evinin işində, doğuşlarda və poliklinika fəaliyyətində fəal iştirak edir. Hazırda ATU-nun Tədris Cərrahiyyə Klinikasının mamalıq-ginekologiya şöbəsində elmi-praktik fəaliyyət göstərir. Kafedrada rezidentlərin rəhbərliyini həyata keçirir. Ümumilikdə Kərimova S.N. 30-dan çox elmi iş, azərbaycan və ingilis dillərində dərs vəsaitinin müəllifidir. Aparılmış elmi tədqiqatların nəticələri yerli və beynəlxalq konfranslarda təqdim və müzakirə olunmuşdur.

Akademik fəaliyyət

 Dosent  /  Azərbaycan Tibb Universiteti 2022 – hal-hazıradək

Assistent  /  Azərbaycan Tibb Universiteti  2013 – 2022

Baş laborant / Azərbaycan Tibb Universiteti  2010

Təhsil

Azərbaycan Tibb Universiteti 1997-2003

Nailiyyətlər (adlar)

T.ü.f.d elmi dərəcəsi diplomu  2012

Dosent attestatı 2022

Peşə və pedaqoji inkişaf

 Mamalıq və Ginekologiya – Azərbaycan Tibb Universiteti - 2008

Attended a course of study in  English Language (EFL) at Golders Green College (UK) - 2022

Mamalıq və ginekologiyada endokrinoloji problemlər  -  Ə.Əliyev adına ADHTİ *2024