Bioqrafiya

1981-ci ildə 5 saylı Kimya-Biologiya təmaüllü liseyi qızıl medalla bitirib, həmin ildə Azərbaycan Dövlət Tibb İnstitutunun II Müalicə-prafilaktika fakültəsinə daxil olmuşam. Mən, 1987-ci ildə İnstitutu “Müalicə işi” ixtisası üzrə bitirmişəm. İnternaturanı 1988-ci ildə Bakı şəhər Onkoloji dispanserində keçmişəm. Təyinatla 1987-ci ildən 1991-ci ilə kimi Sumqayıt “Sintez Kauçuk” İstehsalat birliyinin Tibbi sanitar hissəsində həkim-ginekoloq işləmişəm. Bu dövr ərzində Bakıda və Moskvada “Mamalıq və Ginekologiya” ixtisası üzrə ixtisaslaşma və təkmilləşmə kursları keçmişəm. Mən, 1991-ci ildən Bakı şəhər 16 saylı Tibbi sanitar hissəsində Həkim-ginekoloq olaraq çalışmışam.Mən 1993-1996-cı illərdə Azərbaycan Tibb İnstitutu, “Mamalıq və ginekologiya” ixtisası üzrə aspiranturada təhsil almışam. “Listerioz infeksiyalı hamilələrdə orqanizmin immun-reaktivliyinin sistemli təhlili” mövzusunda elmi işi başa çatdırıb, 1997-ci ildə Azərbaycan Respublikası Prezidenti yanında Ali Attestasiya Komisiyası tərəfindən tibb elmləri namizədi alimlik dərəcəsi almışam.  ATU-nun I Mamalıq-ginekologiya kafedrasında baş laborant olaraq 1997-ci ildə işə  qəbul olunmuşam. 1998-ci ildən assistent və 2022-ci ildən dossent vəzifəsinə keçirilmişəm. Hal-hazırda bu kafedrada dossent  olaraq çalışıram. Mən, 1999-2000-ci illərdə Türkiyənin Qazi Universitetində “Kadın hastalıkları ve doğum” bölümündə bilik və bacarıqlarımı artırmışam. 2016-cı ilin Oktyabrında Erasmus proqramı çərçivəsində Finlandiyanın “Saima” Universitetində “Saima is calling” bilik həftəsində iştirak edərək, pedoqoji fəaliyyətimi Baloniya sisteminə uyğun olaraq təkmilləşdirmişəm. 2018-ci ildə Moskvada akademik Kulakov adına Rusiyanın Milli-Tibbi-Tədqiqatlar Mamalıq-ginekologiya və Perenatal mərkəzində “Mamalıqda təxirəsalınmaz vəziyyətlər” mövzusunda ixtisas artırma kursu keçmişəm. ATU-nun klinik bazası olmuş Respublika doğum evində və 1 saylı Bakı şəhər doğum evində 2012-ci ilə kimi praktik həkim kimi fəaliyyət göstərmişəm. Mən, 2013-cü ildən bugünə kimi ATU-nun Cərrahi Tədris Klinikasında doğum, ginekologiya, hamiləlik patalogiyası, poliklinika şövbələrində həkim kimi fəaliyyətimi davam etdirirəm.Respublika və xaricdə dərc olunan 100-dən çox elmi yazının, o cümlədən “Mamalıq və Perenatologiyanın əsasları” adlı dərs vəsaitinin, iki mama ginekoloji  tibbi lüğətin və iki metodik vəsaitin müəllifiyəm. Son 5 il ərzində 30-dan çox elmi işim çap olunub.Mən, 2019-cu ilə kimi Mamalıq və ginekologiya üzrə institutun  dissertasiyalar üzrə Aprobasiya Şürasının üzvi olmuşam. Respublika və xaricdə keçirilən çoxsaylı elmi-praktik konfrans və seminarlarda iştirak etmişəm.

Akademik fəaliyyət

Dossent / AzərbaycanTibbUniversiteti * 2022 -hal-hazıradək

Təhsil

II Müalicə-profilaktika fakültəsi Azərbaycan Tibb Institutu*1981-1987

Nailiyyətlər (adlar)

Tibb elmləri namizədi alimlik dərəcəsi (1997)

Assistent vəzifəsi (1998)

Dossent vəzifəsi (2022)