İlkin Üzeyir oğlu Nəsirli 2013-cü ildə Azərbaycan Tibb Universitetinin Əczaçılıq fakültəsini bitirmişdir. 2019-cu ildən etibarən Azərbaycan Tibb Universitetinin Əczaçılıq toksikologiyası və kimya kafedrasında fəaliyyətə başlamış, hazırda həmin kafedrada assistent müəllim kimi çalışır. İlkin Nəsirli eyni zamanda Əczaçılıq kimyası və farmakoqnoziya üzrə fəlsəfə doktoru proqramı üzrə doktorantura təhsilini davam etdirir və elmi tədqiqatlarını əsasən bitkilərdən alınan təbii mənşəli bioaktiv maddələr, alkaloidlər, kimyəvi-toksikoloji analiz metodları, farmakonəzarət və toksikoloji qiymətləndirmə istiqamətlərində aparır. O, ICP-MS, HPLC-MS/MS, GC-MS və digər müasir instrumental analiz texnologiyaları üzrə tədqiqatlar aparmış, həm ekoloji toksikologiya, həm də farmakoloji-toksikoloji sahədə müxtəlif layihələrdə iştirak etmişdir. Onun elmi işləri həm yerli, həm də beynəlxalq konfranslarda təqdim olunmuş, bir sıra elmi jurnallarda dərc edilmişdir. İlkin Nəsirli universitetdə bakalavr və magistr pillələri üzrə dərs prosesində fəal iştirak edir, laboratoriya məşğələlərinə rəhbərlik edir, farmakonəzarət, toksikoloji kimya və instrumental analiz sahələrində tədris materiallarının hazırlanmasında iştirak edir. O, həmçinin magistr dissertasiya işlərinə elmi rəhbərlik edir və tələbələrin elmi fəaliyyətinin təşkili üzrə fəal mövqedədir. Elmi-pedaqoji fəaliyyəti ilə yanaşı, beynəlxalq konqres və simpoziumlarda universiteti təmsil etmiş, müxtəlif ölkələrdə keçirilən təlim və seminarların iştirakçısı olmuşdur. Məsuliyyətli, təşəbbüskar və əməkdaşlığa açıq olması səbəbindən həm tələbələr, həm də müəllim kollektivləri arasında hörmət qazanmışdır.

Baş Laborant / Azərbaycan Tibb Universiteti * 2019–2025

Assistent / Azərbaycan Tibb Universiteti * 2025-ci ildən hal-hazıradək

Əczaçılıq  fakültəsi / Azərbaycan Tibb Univer­siteti Bakalavr *2009-2013

Əczaçılıq  fakültəsi / Azərbaycan Tibb Univer­siteti Magistr *2015-2017

Əczaçılıq  fakültəsi / Cənubi Florida Universiteti Magistr *2017-2019

Flavonoid Aqlikonların Sulu Mühitdən İzolyasiya Metodu. Avrasiya patenti № 043560, 31.05.2023 / Qarayev Eldar Abdulla, Mövsümov İsrafil Soltan, İlkin Nəsirli

Pedaqoji peşəkarlığın inkişafı / Azərbaycan Tibb Universiteti *2025

Təbii və sintetik bioloji fəal maddələrin müasir analitik üsullarla kimyəvi-toksi­koloji və in silico tədqiqi

1.  Ambrosia Artemisiifolia L. və Telekia Speciosa (Schreb.) bitkilərindən əldə edilən Ambrosoartemisifolid və Isoalantolakton Sesquiterpene Laktonlarının Bioloji Aktivliyinin və Toksikliyinin In Vitro və In Silico Tədqiqi..

2.  Bitki Növləri. Molekulyar Biologiya və Biotexnologiyalar İnstitutunun Əsərləri, MSE AR, Cild 8, № 2, Səh. 14-18 (2024). DOI:  https://doi.org/10.62088/timbb/8.2.3 

3.  Azərbaycan Florasında Yayılmış Thalictrum Cinsindən Olan Bitki Növlərinin Əczaçılıq Baxımından Əhəmiyyəti. Azərbaycan Təbabətinin Müasir Nailiyyətləri, № 1 / 2023, S.144-148 DOI: 10.15863/TAS

4. Toksikologiyada Antioksidant Fəalliq Və Təyini Sinaqları.Azərbaycan Tibb Universitetinin Jurnalı, Cild 5, Nömrə 1, 2025. S.5-20.Qarayev E.A., Paşayeva S.A, Hüseynquliyeva K.F., Nəsirli İ.Ü.  DOI: https://doi.org/10.28942/atuj.v5i1y2025.116

5.  Azərbaycan Florasinda Yayilmiş Thalictrum Minus L. Bitkisində Makro- Və Mikroelementlərin Orqanlar Üzrə Paylanmasi

2025* Azərbaycan Tibb Universitetinin Jurnalı,cild 5 №2, səh. 112-121 Nəsirli İ.Ü.  DOI: https://doi.org/10.28942/atuj.v5i2y2025.121

Fransanın Azərbaycandakı Səfirliyinin təcrübə qrantı

Amerika Birləşmiş Ştatlarının Toksikoloqlar Cəmiyyəti, 2019-hal-hazırda davam edir