Aynur Ağayeva Azərbaycan Tibb Universitetinin (ATU) “Allerqologiya və immunologiya” kafedrasının dosentidir. Daxili xəstəliklər və kliniki allerqologiya sahəsində malik olduğu dərin bilik və zəngin təcrübə ilə o, öz fəaliyyətini Azərbaycanda allerqik xəstəliklərin diaqnostikasının müasirləşdirilməsinə və müalicə üsullarının təkmilləşdirilməsinə həsr etmişdir. Dosent A.Q. Ağayeva ali tibb təhsilini ATU-nun Müalicə-profilaktika fakültəsində almış, bu da onun gələcək peşəkar fəaliyyəti üçün möhkəm klinik təməl yaratmışdır.

Allerqologiya sahəsinə olan xüsusi marağı onu hələ gənc yaşlarından bu istiqamətdə ixtisaslaşmağa sövq etmişdir. O, Moskva Stomatoloji İnstitutu nəzdində allerqologiya üzrə ixtisaslaşma kurslarını müvəffəqiyyətlə bitirmiş, daha sonra akademik fəaliyyətini ATU-nun Daxili xəstəliklərin propedevtikası kafedrasında assistent kimi davam etdirmişdir. 2009-cu ildən etibarən “Klinik allerqologiya və immunologiya” kursunun, 2017-ci ildən isə “Allerqologiya və immunologiya” kafedranın dosenti olaraq elmi-pedaqoji fəaliyyətini uğurla icra edir.

Aynur Ağayevanın elmi araşdırmaları müasir tibbin ən aktual problemlərini, xüsusilə molekulyar allerqodiaqnostika, bronxial astma və respirator allergiyalar və s. mövzuları əhatə edir. O, Vyana Tibb Universitetinin molekulyar allerqodiaqnostika üzrə kurs keçmişdir. Onun elmi töhfələri arasında "Klinik Allerqologiya və İmmunologiya" dərsliyi və nüfuzlu yerli və beynəlxalq jurnallarda (o cümlədən CHEST konqresi materiallarında) dərc olunmuş çoxsaylı məqalələri xüsusi yer tutur.

ATU-nun dosenti olaraq A.Q. Ağayeva gənc həkim-mütəxəssislərin və tələbələrin yetişməsində aktiv iştirak edir. O, tədris prosesində nəzəri bilikləri zəngin klinik təcrübəsi ilə birləşdirərək tələbələrdə analitik təfəkkürün inkişafına çalışır. Beynəlxalq elmi mühitlə sıx əlaqədə olan Aynur xanım Avropa Allerqologiya və Klinik İmmunologiya Akademiyasının (EAACI) və Ümumdünya Allerqologiya Təşkilatının (WAO) üzvüdür. Onun fəaliyyəti təkcə akademik çərçivə ilə məhdudlaşmır; o, həm də müxtəlif beynəlxalq konfrans və seminarların təşkilində, eləcə də əhalinin maarifləndirilməsi işində yaxından iştirak edir.

1. 1985-1986 interna 5 saylı ŞKX

2. 1987-1999 Həkim-ordinator Bakı şəh. 5 saylı ŞKX

3. 1999-2009 assistent ATU Daxili xəstəliklərin propedevtikası kafedrası

4. 2009-2017 dosent Allerqologiya və klinik immunologiya kursu

5. 2017-hal-hazıradək“Allerqologiya və immunologiya” dosent

1979-1985– Azərbaycan Tibb Universiteti; Bakı, Azərbaycan Müalicə profilaktika fakültəsi

1985-1986 - 5 saylı Şəhər Klinik Xəstəxanası, Bakı, Azərbaycan Həkim-interna                     

1987-1987– İ Moskva Stomatoloji institut nəzdində Allergologiya üzrə ixtisaslaşma kursları, Moskva.

1989 Xarixi dillər pedaqoji institutun nəzdində 2 illik ingilis dili kursu. Baki

1987-1987– İ Moskva Stomatoloji institut nəzdində Allergologiya üzrə ixtisaslaşma kursları, Moskva.

2016-2017- Vyana Tibb Universiteti, Avstriya IMUNIMAI - molekulyar allerqodiaqnostika

Klinik Allerqologiya və İmmunologiya (kitab) L.I.Allahverdiyeva və həmmüəlliflər; Bakı, 2009

1.  Ağayeva A.Q, Allahverdiyeva L.İ.,., Cəfərova L.A.,”Allergiya və koronavirus infeksiyası – bir medalın iki üzü,” Azərbaycan Allerqologiya və Klinik İmmunologiya Jurnalı (elmi-praktik jurnal), Cild 8; № 1, 2020, səh.47-53

2. Ağayeva A.Q., Allahverdiyeva L.İ., Cəfərova L.A., Əbdül-Qədirova K.E.,”Respirator allergiyalı xəstələrdə COVID-19 xəstəliyinin xüsusiyyətləri”,Azərbaycan Tibb jurnalı, rüblük elmi-praktik jurnal 2021, №2, səh. 5-10

3 Ağayeva A.Q., Hümbətova Ü.M.. Bronxial astmanın qadınların reproduktiv xüsusiyyətlərinə təsiri. Azərbaycan Allerqologiya və Klinik İmmunologiya jurnalı, cild 11,  N2, 2023 pttps://doi.org/10.28942/acij.v13i3y2025

4. Alizamin S.Sadigov, Aynur Aghayeva, Rena Rzayeva Mortality rate related to acute exacerbationsof combined pulmonary fibrosis with emphysema, idiopatic pulmonary fibrosis and chronic obstructive pulmonary disease patients.CHEST 2024, October 6-9

5. Ağayeva A.Q., Allahverdiyeva L.İ.,İbrahimova Ş.H., “Anafilaksiyanın diaqnostikasında və müalicəsində yeniliklər”, Azərbaycan Allerqologiya və Klinik İmmunologiya Jurnalı, Cild 13; № 3, 2025, səh.18-26, pttps://doi.org/10.28942/acij.v13i3y2025

1. Azərbaycan Allerqoloqlar, İmmunuloqlar və İmmunoreabilitoloqlar cəmiyyətinin üzvü

2. Ümumdünya allerqoloqlar cəmiyyətin (WAO) üzvü

3. Avropa Allerqologiya və Klinik İmmunologiya Akademiyasının (EAACI) üzvü

4. Vyana Tibb Universitetinın molekulyar allerqodiaqnostika üzrə Azərbaycandakı nümayəndəsi