N.Bayramovun sözlərinə görə, Bioüzvi və biofiziki kimya kafedrasında dərslər müasir standartlara uyğun formada aparılır. Müəllimləri yalnız mühazirə söyləməklə kifayətlənmir. Praktik məşğələlərə, laboratoriyadakı işlərə də xüsusi diqqət ayrılır. Çünki həkim olmaq istəyən gənclərin gələcəkdə mütəxəssis kimi formalaşması üçün onların bioüzvü və biofiziki kimyanı hansı dərəcədə mənimsəməsinin böyük əhəmiyyəti var. Praktik məşğələlər zamanı karbon qazının ayrılması, hidrogenin təyini, amonyakın təyini, yod vasitəsilə analiz və s. kimi təcrübələri tələbələr əyani şəkildə görürlər. Müəllimin izahatından sonra hər bir təcrübə laborant tərəfindən tələbələrə nümaiş etdirilir.

N.Bayramovun sözlərinə görə, Bioüzvü və birofiziki kimya kafedrasında dərslərdə tələbələrin qrup işlərinə də böyük önəm verilir. Bu zaman da gənclərin laboratoriyada işləmək bacarığı aşılanır. Ümumilikdə, kafedranın nəzdində 8 laboratoriya otağı fəaliyyət göstərir.