Hörmətli həmkarlar!

5-6 iyun 2026-cı il tarixlərində Azərbaycan Tibb Universitetinin Tibbi mikrobiologiya və immunologiya kafedrasının 100 illiyinə həsr olunmuş beynəlxalq konfrans keçiriləcəkdir.

Konfrans çərçivəsində tibbi mikrobiologiya və immunologiya sahəsində son elmi yeniliklər, müasir yanaşmalar və tədqiqat nəticələri müzakirə olunacaqdır. Tədbirdə yerli və xarici mütəxəssislərin iştirakı gözlənilir.

Konfransın materialları toplu şəklində dərc ediləcəkdir.

Təqdim ediləcək tezislər aşağıdakı tələblərə uyğun olmalıdır:

Tezislər orijinal xarakter daşımalı və təkrar olmamalıdır

Tezislər Azərbaycan, rus və ingilis dillərində yazılmalıdır

Tezisin həcmi 3000-3100 işarə sayı (boşluqsuz) təşkil etməli, A4 formatında “Arial” şrifti ilə yığılmalı, şriftin ölçüsü 12, sətirlər arası interval 1, sahələr soldan - 2 sm, sağdan - 1 sm, yuxarıdan - 2 sm, aşağıdan - 2 sm olmaq şərtilə təqdim edilməlidir

Tezis ardıcıl olaraq: hər biri abzasdan (1 sm) başlamaq şərti ilə giriş, tədqiqatın məqsədi, material və metodlar, nəticələr, müzakirə/yekun və açar sözləri hissələrindən ibarət olmalıdır

Tezisin əvvəlində baş hərflərlə tezisin adı verilir. Sonrakı sətirdə (1 interval aşağı) tezisin müəllifləri (adı və soyadı), daha sonrakı sətirdə (1 interval aşağı) müəlliflərin çalışdığı kafedranın adı (digər müəssisələrdən olanlar üçün - müəssisənin adı, daha sonra kafedra və ya şöbəsi) qeyd edilməlidir

Hər bir tezisdə müəlliflərin sayı 4-dən çox olmamalı və bir müəllif 2-dən çox tezis həmmüəllifi olmamalıdır

Tezislər kafedra müdirinin dərkənarı ilə çap olunmuş formada və eyni zamanda elektron variantda (word) 10 may 2026-ci il tarixinə qədər [email protected] ünvanına göndərilməlidir. 

Ödəniş: 20 AZN 

Yuxarıda qeyd edilən tələblərin hər hansı birini ödəməyən tezislər çapa qəbul edilməyəcəkdir.

Əlaqələndirici şəxs: Vəfa İsgəndərova (+994505123230), ATU, Tibbi mikrobiologiya və immunologiya kafedrası, 4 saylı tədris binası, 3-cü mərtəbə

Azərbaycan Tibb Universitetinin Tibbi mikrobiologiya və immunologiya kafedrasının əməkdaşları, həkim-rezidentləri və magistrantlarının tezisləri ödənişsiz qəbul ediləcəkdir. 

📌Eyni zamanda, Azərbaycan Tibb Universitetinin tələbələri tərəfindən təqdim olunan tezislər arasından seçiləcək ən yaxşı 20 tezis ödənişsiz qəbul ediləcəkdir. 

Kredit balı üçün nəzərdə tutulan ixtisaslar:

Mikrobioloqlar, infeksionistlər, immunoloqlar, laboratoriya mütəxəssisləri, terapevtlər, pediatrlar, cərrahlar, revmatoloqlar, patoloqlar, hematoloqlar 

Qeydiyyat linki: https://forms.gle/Fp7spkgpQ8YK5ij58

Nümunə:

PHLOMİS BİTKİSİNİN ANTİMİKROB XÜSUSİYYƏTLƏRİ

Cavid Həsənov

Azərbaycan Tibb Universiteti, Tibbi mikrobiologiya və immunologiya kafedrası

Giriş ............................

Tədqiqatın məqsədi ..........................

Material və metodlar ...................................

Nəticələr ...................................

Müzakirə / Yekun...................................

Açar sözlər ...................................