• 28/06/2017 00:00

Azərbaycan Tibb Universiteti və Azərbaycan Pediatrlar Assosiasiyası Bakı, Sumqayıt şəhərlərinin pediatrları üçün növbəti konfrans keçirib. Tədbirin əsas məqsədi - uşaqların sağlamlığının qo­run­ması, muasir dövrdə elmi sübutlu təbabət əsasında  beynəlxalq standartlara uyğun, klinik protokolların həkimin gündəlik işində inteqressiyasının zəruriliyi, bu sahədə çalışanların peşə biliklərinin artırılması idi. Konfransda ATU-nun əməkdaşları, K.Fərəcova adına  Elmi-Tədqiqat Pediatriya İnstitutunun mütəxəssisləri, Bakı  və Sumqayıt  şəhərlərinin dövlət və özəl klinikalarının 100-dən çox pediatrları iştirak edib. Konfrans klinik protokolların pediatrik praktikada rolu, Üşaqlarda mədə, on iki bağırsaq xorası, Muasir dövrdə tonzillitin diaqnostika və müalicəsi, Beynəlxalq protokollarda diaqnostika və müalicədə  yeniliklərinə həsr olunub. 

Konfransı giriş nitqi ilə açan AMEA-nın və Rusiya  Elmlər Akademiyasının  üzvü, Dövlət mükafatı laureatı, ə.e.x., Azərbaycan Pediatrlar Assosiasiyasının prezidenti, akademik Adilə Namazova tədbir haqqında iştirakçılara məlumat verib.

O, bildirib ki, ümummilli liderimiz Heydər Əliyev Azərbaycanda təhsili, tibbi təhsili və xüsusi ilə də uşaqların sağlamlığı üçün pediatriya  təhsilini daim dövlətin prioritet  məsələsi kimi diqqət mərkəzində  saxlayaraq bu sahənin inkişaf etdirilməsinə şərait yaratmışdı. Hazırda da bütün dünyada baş verən böhran və dağıntılar fonunda Azərbaycanda ana və uşaq  sağlamlığına  dövlət  qayğısı yüksək inkişaf  səviyyəsi ilə seçilir. Son illər bu sahəyə diqqət və qayğının davamı olaraq Prezident  İlham Əliyevin və Birinci vitse-prezident Mehriban xanım Əliyevanın səhiyyənin inkişafına verdikləri töhfələr fundamental xarakter daşıyır və ölkədə ana və uşaq sağlamlığına yüksək qayğı məqsədilə irimiqyaslı layihələr həyata keçirilir.

Akademik  qeyd  edib  ki,  Azərbaycan Pediatrlar Assosiasiyası 1930-cu ildən hazırkı dövrə qədər ölkəmizdə fəaliyyət göstərir və mütəmadi olaraq planlaşdırılmış bir sıra məqsədləri vardır. Belə ki, türkdilli ölkələrin konqreslərinin təşkili, Azərbaycan Dövlətinin və Səhiyyə Nazirliyinin tibb sahəsinin layihələrində yaxından iştirak və köməklik işi,  “Azərbaycanda Tibbi bioetikanın inkişafı Layihəsi” proqramının tərtibi bu məqsədlər sırasındadır. Eyni zamanda YUNESCO-nun tibbi bioetika üzrə tədqiqat layihəsində dəfələrlə iştirak edib. MDB-nin və Beynəlxalq Etika Komitələri, Parlamentlərarası Assambleyası ilə birgə “Tibbi etika üzrə Avropa standart qanunları və etik təhsil” layihəsi hazırlanıb, beynəlxalq mütəxəssislərlə pediatrlara master klasslar v s. həyata keçirilib. Təşkilat İctimai birlik kimi dövlət siyasətini rəhbər tutaraq, ölkənin gələcəyi - əsasən uşaq sağlamlığının qorunması məqsədinə yönəlmiş işlər görür və bu işlər  ölkə rəhbərləriyi tərəfindən yüksək  qiymətləndirilir, beynəlxalq tədbirlərin Bakıda keçirilməsinə yaxından köməklik göstərilir. APA bir neçə ildir ki,  gördükləri işlərin mahiyyətinə görə Rusiya Federasiyasının və Avropa Pediatrlar Assosiasiyalarının böyük ailəsinə üzv qəbul olunub.

Konfransda III uşaq xəstəlikləri kafedrasının əməkdaşları, dosent L.Hidayətova və dosent F.Məmmədova müxtəlif mövzularda məruzələr etdilər. Konfransın gedişində həmçinin Moskva şəhərindən dəvət olunmuş A.Vastistov həkimlərə yeni ekspress diaqnostik metod-streptotestlər üzrə “ Master klass”  təqdim etdi. 

K.Fərəcova adına ETPİ-nin baş həkimi, t.e.n. T.Şahbazova və konfrans iştirakçıları məruzələrin yüksək səviyyədə, elmi əsaslı və pediatrların gündəlik həyatında zəruri olduğunu qeyd etdilər. Onlar belə konfransların respublikamızın başqa şəhər və rayonlarında da təşkil olunmasını  təklif etdilər.