“Sitologiya, embriologiya və histologiya” kafedrasında bakalavr proqramı canlı orqanizmin hüceyrə, toxuma və orqan səviyyəsində quruluşunu, inkişaf mexanizmlərini və funksional xüsusiyyətlərini dərindən mənimsəmiş mütəxəssislərin hazırlanmasına yönəlib. Proqramın məqsədi tələbələrə hüceyrə biologiyası, toxuma quruluşu, embrional inkişaf mərhələləri, orqanogenez, regenerasiya və hüceyrədaxili molekulyar mexanizmlər üzrə  nəzəri biliklər və praktiki bacarıqlar qazandırmaqdır.
Təhsil prosesində tələbələr mikroskopiya üsulları, histoloji və sitoloji preparatların hazırlanması və təhlili, toxumaların öyrənilməsi, embriogenezin əsas mərhələlərinin izahı və hüceyrə səviyyəsində tənzimləyici mexanizmlərin dərk edilməsi üzrə biliklər əldə edirlər. Məzunlar bioloji və tibbi prosesləri hüceyrə və toxuma səviyyəsində elmi əsaslarla qiymətləndirmək, morfoloji dəyişiklikləri təhlil etmək və klinik fənlərin mənimsənilməsi üçün zəruri fundamental baza formalaşdırmaq bacarığına yiyələnirlər.
Proqram çərçivəsində tələbələr sitologiya, embriologiya, ümumi və xüsusi histologiya,  molekulyar-bioloji əsaslar, inkişaf biologiyası, hüceyrə diferensiasiyası və toxuma yenilənməsi kimi sahələrdə bilik və praktiki bacarıqlar qazanırlar. Bakalavr təhsilini başa vuran məzunlar tibb və biologiya profilli ali təhsil müəssisələrində, elmi-tədqiqat laboratoriyalarında, diaqnostik və tədris mərkəzlərində, həmçinin magistratura və doktorantura səviyyəsində təhsillərini davam etdirmək üçün zəruri akademik hazırlığa malik olurlar.
 

Histologiya ( Tibb bacısı işi ) 

Hüceyrə biologiyası ( İctimai Səhiyyə ) 

Sitologiya, embriologiya və histologiya ( Stomatologiya ) 

Ümumi histologiya ( Hərbi Tibb )  

Ümumi histologiya ( I,II ,Müalicə–profilaktika fakültəsi ) 

Xüsusi histologiya ( Hərbi Tibb ) 

Xüsusi histologiya ( I,II, Müalicə–profilaktika fakültəsi )