ATU-da tələbələr üçün “Brain Mania”klubu yaradıldı

Azərbaycan Tibb Universitetinin Tələbə Həmkarlar İttifaqı Komitəsinin nəzdində “Brain Mania” müzakirə klubu yaradılıb. Klubun rəhbəri II müalicə-profilaktika fakültəsinin IV kurs tələbəsi Oqtay Hüseynov, müavini isə II müalicə-profilaktika fakültəsinin IV kurs tələbəsi Natiq Quliyev seçilib.

O.Hüseynovun sözlərinə görə, bu müzakirə klubu haqqında təşəbbüs universitet rəhbərliyi tərəfindən dəstəklənib. Klub Rus və Azərbaycan sektorlarında oxuyan tələbələri öz ətrafında birləşdirir: “Bu klub sayəsində tələbələr fərqli və ciddi mövzular ətrafında qarşılıqlı fikir mübadiləsi aparacaqlar. Artıq klubumuzda ilk görüş baş tutub. Rus sektorunun 20-dən çox tələbəsinin iştirak etdiyi görüşə müəllimlərimiz də qatılmışdı. Molekulyar biologiya mövzusuna dair ilk müzakirəmizin nəticələri hamı tərəfindən bəyənildi”.

Qeyd edək ki, həftənin V günləri saat 1600-da Rus sektorunda təhsil alan tələbələr, VI günləri isə saat 1400-da isə Azərbaycan sektorunda oxuyan tələbələr arasında diskussiyalar keçirilir.