Professor bildirib ki, son zamanlar Azərbaycanda turizmin inkişafını və ölkəmizə turistlərin axınını nəzərə alaraq, universitet rəhbərliyi və klinikanın direktoru Hüseyn Qabulovun da təşəbbüsü ilə belə bir addım atılıb.

“Bu jurnal Amerikada nəşr olunur və turist axınının daha çox olduğu ölkələr burada qeydiyyatdan keçiblər. Biz də turizmin artıq bütün dünyada ən gəlirli sahələrdən biri olduğunu, geniş və sürətlə inkişaf edən iqtisadi sektora çevrildiyini nəzərə alaraq bu jurnalda qeydiyyatdan keçməyə qərar verdik. İnanıram ki, biz Azərbaycana gələn turistlərə ən yüksək səviyyədə xidmət göstərən “Dializ mərkəzi” olacağıq və gələcəkdə daha böyük işlərə imza atacağıq”.