Dəyirmi masada Azərbaycan Tibb Universitetini Təhsilin keyfiyyətinin təminatı və innovasiya şöbəsinin müdiri professor Akif Qurbanov, Ümumi cərrahlıq kafedrasının müdiri professor Elçin Ağayev, Tədris Cərrahiyyə kinikasının laboratoriyasının müdiri dosent Yavər Hacıyev təmsil ediblər.

Professor Akif Qurbanov “Antimikrob preparatlara davamlılığın azaldılmasında Azərbaycan Tibb Universitetinin rolu” adlı məruzə ilə çıxış edib. Çıxışda antimikrob preparatlara davamlılıq haqqında ATU-nun təhsil proqramında nəzərdə tutulmuş mövzulardan bəhs edib, bu təhsil ocağının klinikalarında aparılan müasir laborator müayinələrin və müalicə üsullarının bu sahədəki rolundan danışıb.

Sonda dəyirmi masa iştirakçıları antimikrob preparatlara davamlılığın azaldılması üçün müvafiq qurumların və ictimaiyyətin rolu haqqında hədəfləri müəyyənləşdiriblər.